«Ռուսների ստրուկ» վիրավորանքը դիվանագիտական սկանդալի պատճառ է դարձել ՌԴ-ի և Ուզբեկստանի միջև
Ուզբեկստանի Արտաքին գործերի նախարարությունը պաշտոնական բողոքի նոտա է հղել Ռուսաստանի ԱԳՆ-ին՝ պահանջելով գտնել և պատժել այն ռուսաստանցուն, որը ուզբեկ տաքսու վարորդին անվանել է «ռուսների ստրուկ»։
Այս մասին ասել է Ուզբեկստանի ԱԳՆ խոսնակ Ախրոր Բուրխանովը՝ մեկնաբանելով օգոստոսին լայն արձագանք գտած միջադեպը։
Տեսանյութում Մոսկվայի մարզում ՌԴ քաղաքացին գոռում է ուզբեկ տաքսու վարորդի վրա՝ վիրավորելով նրան կոպիտ բառերով. «Դուք ստրուկ եք, ռուսների ստրուկը։ Դուք եկել եք աշխատանքի»։
Տեսանյութը զայրույթի է առաջացրել Ուզբեկստանում։
Արտգործնախարարության մամուլի խոսնակ Բուրխանովը հիշեցրել է, որ որտեղ էլ լինեն Ուզբեկստանի քաղաքացիները, նրանք գտնվում են իրենց պետության պաշտպանության տակ։
