Հայաստանը գտնվում է ակտիվ ցիկլոնի ազդեցության գոտում
Հայաստանը գտնվում է ակտիվ ցիկլոնի ազդեցության գոտում, որը կպահպանվի նաև առաջիկա գիշերը։ Այս մասին հայտնում է Հիդրոօդերևութաբանության և մոնիտորինգի կենտրոնը։
Նշվում է, որ ակտիվ ցիկլոնի գործունեությամբ պայմանավորված` երեկ հանրապետության ողջ տարածքում դիտվել են առատ անձրևներ։ Արարատյան դաշտի առանձին հատվածներում թափվել են ամսական նորմայի 50-60 տոկոսի չափ տեղումներ։
Այսօր ցերեկը և առաջիկա գիշերը ցիկլոնի ազդեցությունը Հայաստանի ողջ տարածքում կպահպանվի, ինչի արդյունքում Երևան քաղաքում և բոլոր մարզերում ժամանակ առ ժամանակ կդիտվեն ամպրոպային բնույթի անձրևներ։
Վաղը ցերեկը ցիկլոնը կկորցնի իր ուժը, և կարճատև անձրևներ կլինեն միայն հանրապետության հյուսիսային մարզերում։
