ԱԳՆ վերջին խայտառակ հայտարարությունն ինքն իրեն հակասում էր
«Մեր առաջարկները ներկայացրինք, թե ինչպես կարելի է ավելի ընդարձակել համախմբումը։ Բացի սոցիալական հարցերից, նաև կարևորեցինք քաղաքական և իրավական հարցերը։ Մեր տեսակետն այն է, որ պետք է խմբեր կազմվեն, որոնք բանակցությունների մեջ պետք է մտնեն իշխանությունների հետ»,- Ազատության հրապարակում Արցախցիների իրավունքների պաշտպանության խորհրդի անդամների հետ հանդիպումից հետո լրագրողների հետ զրույցում նշեց ՀՅԴ Արցախի կենտրոնական կոմիտեի ներկայացուցիչ Արա Պուլուզյանը։
ՀՅԴ-ական գործիչը նկատեց, որ պայքարի բոլոր տեսակները դիտարկվում են։
«Փողոցային պայքարն իր տեղն ունի՝ որպես ճնշման միջոց, բայց հիմնականում նաև պետք է լինեն բանակցություններ ու խորհրդակցություններ, որոնք հարցի դրական լուծման համար անհրաժեշտ են»,- պարզաբանեց նա։
Անդրադառնալով արցախցիների իրավական խնդիրներին՝ նա նշեց, որ դրանք վերաբերում են քաղաքացիության հարցերին, արցախցիների ու հայաստանցիների միջև խտրականության հարցին, որը, ըստ նրա, հիմնականում հրահրվում է իշխանության կամ իշխանամերձ շրջանակների կողմից։
Արա Պուլուզյանը խայտառակ որակեց Լեռնային Ղարաբաղի ու Լեռնային Ղարաբաղից բռնի տեղահանված արցախցիների մասին ԱԳՆ վերջին հայտարարությունը։
Մանրամասները՝ տեսանյութում
