Փաշինյան, քարտեզին նայիր, ո՞ւր ես թռչում, օվկիանոսից այն կո՞ղմ. դրա համար էլ ԱՄՆ-ում գրասենյակի փոխարեն՝ քեզ տանում են զուգարան. Փաշինյանը դավաճանեց Արցախի ղեկավարությանը. Ստանիսլավ Տարասով

168.am-ի «Թրիգեր» հաղորդաշարի հյուրը ռուս քաղաքագետ, Մերձավոր Արևելքի և Կովկասի երկրների հարցերով փորձագետ Ստանիսլավ Տարասովն է:

Հաղորդման ընթացքում քննարկվել են Թուրքիայի և Ռուսաստանի ազդեցությունը տարածաշրջանի վրա, հայ-ռուսական և ռուս-ադրբեջանական հարաբերությունները, Թրամփի դիրքորոշումը Հարավային Կովկասի վերաբերյալ, իրավիճակի հնարավոր լարումը տարածաշրջանում, Թուրքիա-Սիրիա, ԵՄ-Ուկրաինա-ԱՄՆ խնդիրները, Արցախի ռազմաքաղաքական ղեկավարության նկատմամբ Բաքվի զինվորական դատարանում ընթացող կեղծ դատավարությունը:

Հարցազրույցի հիմնական թեզերը՝ ստորև.

Եթե հարմար իրավիճակ ստեղծվի, ՌԴ-ն կարող է օգտագործել թուրքական հարթակն Ուկրաինայի վերաբերյալ բանակցությունների համար: Էրդողանը մի կողմից՝ Մատվիենկոյի հետ հանդիպման ընթացքում հայտարարեց, որ Թուրքիան իր խաղաղապահներին չի օգտագործի, բայց մյուս կողմից՝ ակնարկեց, որ Իրանից հեռու չեն գտնվում: Երկակի դիրքորոշում է, ինչպես միշտ, նստում են երեք աթոռի վրա: Թուրքիան ունի Քուրդիստանի հետ խնդիր, որը կարող է գրավել իրենց տարածքը… Միջին Ասիա, Կովկաս, Ղրիմ, իրենք խնդիր ունեն Սիրիայում:

Փաստ է, որ ԱՄՆ-ը փոխելու է ԵՄ ողջ էլիտան:

ԱՄՆ-ը չի աջակցում, ԵՄ-ն չունի ռեսուրս Ուկրաինային աջակցելու համար: Հնարավոր է, որ ԱՄՆ-ը իրականացնի հեղաշրջում Ուկրաինայում: Զելենսկին արեց ողջ սև գործը և հնարավորություն տվեց ՌԴ-ին վերականգնել իր ազդեցությունը:

Դեմոկրատական լիբերալիզմի դարաշրջանն ավարտվում է:

Սիրիայում հայտնվել են եվրոպական կոստյումներով ջիհադիստներ, ինչը վտանգավոր է:

Ասում են՝ Թուրքիայի բանակը ՆԱՏՕ-ի ամենաուժեղ բանակն է: Ո՞վ է նման բան ասել: Նրանք սովոր են լոկալ մարտեր մղել իրենց անհամարժեք ուժերի հետ: Իսկ այն մարտերը, որոնք մղում է ՌԴ-ն, անգամ երազում Թուրքիան չէր կարող պատկերացնել: Նրանք նման պատերազմի պատրաստ չեն, կպարտվեն:

Թուրքիան հեռանում է Կովկասից, իրենք խնդիր ունեն Իսրայելի հետ Սիրիայում:

Կովկասի համար ԱՄՆ-ի և ՌԴ-ի միջև մարտ չի լինի: Դա միֆ է:

Հյուսիս-Հարավը կորցնում է իր ակտուալությունը:

Իրանի հետ մենք ունենք ստրատեգիական գործընկերություն: Իրանի ռազմավարական հարցերով փոխնախագահ Մոհամմադ Զարիֆի հրաժարականն ԱՄՆ-ի ճնշումների հետ է կապված, նա լիբերալ էր: Այնտեղ հաղթում է կոնսերվատիզմը՝ ՌԴ-ի և Չինաստանի հետ հարաբերություններին ուղղված:

ՌԴ-ի և Իրանի հետ Կովկասում որպես հավասարը հավասարին՝ չեն կարող խոսել: Թուրքիայի հետ՝ ևս: Նրանք կայսրություններ են, ում թիկունքին հարուստ պատմություն ու մշակույթ կա կանգնած:

ՌԴ-ն կվերականգնի իր ազդեցությունը հետսովետական երկրներում. ԽՍՀՄ-2 չի լինի:

Նիկոլին ԱՄՆ-ում սենյակ տանելու փոխարեն՝ զուգարան են տանում: Հայաստանն է քանդվում… Երևանը կարող է կորսվել:

Մոսկվան չի զբաղվում Հայաստանով: Մենք երբեք չենք ստեղծել պրոռուսական ընդդիմություն: Այն դժգոհ ընդդիմադիրները, ովքեր ժամանում էին Մոսկվա՝ ակնկալելով աջակցություն, իրենց ասում էին՝ կա՛մ մենք ձեզ կարտահանձնենք, կա՛մ գնացեք ձեր փարիզները, ստեղծեք ձեր կուսակցությունները: Մենք երբեք Հայաստանում չենք աջակցել որևէ պրոռուսական ընդդիմության ձևավորման համար:

ՌԴ-ն ավելի շատ է պետք Հայաստանին: Ես Հայաստանի իշխանության տեղը լինեի, հայրենասեր մարդ լինեի, ապա ծալովի մահճակալով ՌԴ նախագահի ընդունարանի մոտ կսպասեի իր հետ հանդիպելու և պայմանավորվելու հնարավորության համար:

Մենք ասում էինք, որ մեզ պետք չէ ԽՍՀՄ-2, մեզ պետք չէ Հայաստանը որպես դաշնային պետություն՝ Բելառուսի նման: Մենք ուզում ենք՝ լինի ստաբիլություն:

Մոսկվայի համար գաղտնիք չէ, որ Հայաստանի այս իշխանությունն ատում էր Արցախի ղեկավարությանը: ՌԴ վերլուծաբաններն այն կարծիքին են, որ Փաշինյանը դավաճանեց Արցախի ղեկավարությանը, նա կարող էր Ալիևին խնդրել նրանց թողնել վերադառնալ Հայաստան: Դա դավաճանություն էր: Այդ մարդիկ իրենց հայրենիքի հայրենասերն էին: