Բագրատունյաց պողոտայում բախվել է 3 մեքենա. կան տուժածներ
Այսօր՝ դեկտեմբերի 4-ին, խոշոր ավտովթար է տեղի ունեցել Երևանում: Ինչպես հայտնում է Shamshyan.com-ը, ժամը 00:30-ի սահմաններում Բագրատունյաց պողոտայի թիվ 1/6 հասցեի դիմաց բախվել են Երևանի բնակիչներ 39-ամյա Բենիամին Դ.-ի վարած «Lexus» մակնիշի, 27-ամյա Էդվարդ Շ.-ի վարած «Toyota» մակնիշի և 41-ամյա Սերգեյ Գ.-ի վարած «Kia» մակնիշի ավտոմեքենաները:
Վթարի հետևանքով Էդվարդ Շ.-ն և Սերգեյ Գ.-ն մարմնական վնասվածքներով տեղափոխվել են «Էրեբունի» բժշկական կենտրոն:
Վթարի փաստով քննչական բաժնում նախաձեռնվել է քրեական վարույթ:
