10 բաղադրիչները, որոնք չպետք է լինեն ատամի մածուկի մեջ
Ատամի մածուկ ընտրելը ոչ միայն նախասիրության հարց է, այլ նաև բերանի խոռոչի առողջությունը հոգալու կարևոր մաս: Որոշ ատամի մածուկներ կարող են վնասակար բաղադրիչներ պարունակել: Փորձագետները առանձնացնում են 10 նյութ, որոնցից պետք է խուսափել, ինչպես Gazet.ru-ին ասել է ատամնաբույժ Տատյանա Սումցովան։
«Դրանց թվում է տրիկլոզանը: Այս հակաբակտերիալ միջոցը կապված է հակաբիոտիկների դիմադրության և հորմոնալ անհավասարակշռության զարգացման հետ: Որոշ երկրներում դրա օգտագործումը ատամի մածուկներում սահմանափակված կամ արգելված է։ Պետք է նաև խուսափել նատրիումի լաուրիլ սուլֆատից (SLS): Այն օգտագործվում է փրփուր ստեղծելու համար, բայց կարող է առաջացնել բերանի լորձաթաղանթի գրգռում, խոցեր և սրել աֆտոզ ստոմատիտի ախտանիշները»,- ըստ shantnews-ի՝ նշել է Սումցովան։
Ատամի մածուկը չպետք է պարունակի նաև պրոպիլեն գլիկոլ և արհեստական գույներ և բուրավետիչներ. դրանք կարող են առաջացնել ալերգիկ ռեակցիաներ և գրգռում:
Պետք է նաև խուսափել պարաբենով ատամի մածուկներ գնելուց. այս կոնսերվանտները կարող են ազդել հորմոնալ համակարգի վրա և կապված են քաղցկեղի առաջացման վտանգի հետ: Չպետք է բաղադրության մեջ լինեն նաև պոլիէթիլենային գնդիկներ, որոնք երբեմն օգտագործվում են որպես հղկանյութ, բայց կապված են առողջության հետ կապված ռիսկերի հետ:
Եվ չնայած քլորիխիդինը կարող է արդյունավետ լինել բակտերիաների դեմ պայքարում, դրա երկարատև օգտագործումը կարող է հանգեցնել համային նախասիրությունների փոփոխության և ատամների գունաթափման:
