Մահացել է թռչնագրիպի H5N5 շտամով վարակված առաջին մարդը
Մահացել է թռչնագրիպի H5N5 շտամով վարակված առաջին մարդը. հայտնել է Վաշինգտոն նահանգի առողջապահության նախարարությունը:
Նշվում է, որ հիվանդանոց տեղափոխվածը պահում էր ընտանի թռչուններ, որոնք շփվում էին վայրի թռչունների հետ: Հավանաբար, հենց նրանք են դարձել վարակի աղբյուր․
«Մահացել է Գրեյս Հարբոր օկրուգի բնակիչը, որը թռչնագրիպից բուժում էր անցնում»,-ասված է նախարարության պաշտոնական կայքում տեղադրված հաղորդագրության մեջ:
Նախարարությունն իր հայտարարության մեջ ընդգծել է, որ մարդկանց մոտ թռչնի գրիպով վարակվելու ռիսկը մնում է ցածր։ Առողջապահության մարմինները կշարունակեն վերահսկել բոլոր նրանց, ովքեր շփվել են վարակված անձի հետ՝ մարդուց մարդուն վարակի փոխանցումը կանխելու համար։
