Իլոն Մասկն առաջարկում է ԱՄՆ նախագահի թեկնածուների համար տարիքային վերին շեմ սահմանել
![](https://168.am/wp-content/uploads/2024/07/mask.png)
ԱՄՆ նախագահի թեկնածուների համար անհրաժեշտ է տարիքային վերին շեմ սահմանել, որից հետո նրանք չեն կարող ընտրվել։ Այս մասին X-ի իր էջում գրել է ամերիկացի ձեռնարկատեր Իլոն Մասկը։
«Այո, պետք է լինի առավելագույն տարիքը»,- գրել է նա իր միկրոբլոգում՝ մեկնաբանելով օգտատերերից մեկի գրառումը, որը հարց է տվել, թե ինչո՞ւ չկա տարիքային վերին շեմ Սպիտակ տան ղեկավարի համար:
ԱՄՆ Սահմանադրությունը սահմանում է նախագահի պաշտոնը ստանձնելու միայն ստորին տարիքային շեմը՝ 35 տարեկան, վերին շեմ սահմանված չէ։