Մենք տեղյակ ենք` 2 երկրները երկկողմ հարթությունում են ցանկանում լուծել իրենց հարցերը. ԵԱՀԿ նախագահ
«Աջակցում ենք Հայաստանին ու Ադրբեջանին, երբ փորձում են երկկողմ հարթությունում քննարկել հարցերը»,- այս մասին այսօր ՀՀ կատարած այցի ընթացքում ասաց ԵԱՀԿ գործող նախագահ, Մալթայի Հանրապետության արտաքին ու եվրոպական հարցերի և առևտրի նախարար Իեն Բորջը։
Նրա խոսքով՝ Մալթան շատ թափանցիկ ու ազնիվ է նախագահության աշխատանքների ընթացքում։
«Մենք աջակցում ենք Հայաստանին ու Ադրբեջանին, որպեսզի նրանք համապարփակ և կայուն խաղաղության համաձայնագրի հասնեն։ Տեղյակ ենք, որ երկու երկրները նախընտրում են հարցերը լուծել երկկողմ հարթությունում։ Որպես ԵԱՀԿ՝ մենք աջակցում ենք դրան»,- ասաց ԵԱՀԿ նախագահող Մալթայի ներկայացուցիչ Իեն Բորջը։ Նա նկատեց, որ այսօր էլ ավելի շատ քննարկումներ կունենան՝ հուսալով հասնել լուծումների։
