Լավաշով, պանրով ու հավով ուտեստ
Բաղադրիչները՝
- 200 գ հավի կրծքամիս (առանց ոսկորի)
- 200 գ սերուցքային հալած պանիր
- 2 հատ բարակ լավաշ
- 2 ճ.գ. մայոնեզ
- 1 փունջ մաղադանոսի տերևներ
- բուսական յուղ՝ տապակելու համար
- աղ
Պատրաստման եղանակը
Հավի կրծքամիսը աղաջրի մեջ եփեք մինչև պատրաստ լինելը՝ մոտ 30 րոպե եռալուց հետո:
Պատրաստի միսը թելիկների վերածեք ու մանր կտրատեք:
Հավի մսին ավելացրեք պանիրը, մայոնեզն ու մաղադանոսի մանր կտրտած տերևները, լավ խառնեք:
Լավաշներից մեկը փռեք, վրան քսեք ստացված պանրային միջուկն ու հավասար տարածեք, ծայրերից 3 սմ չափով ազատ թողեք ու վրան միայն մայոնեզ քսեք: Լավաշը փաթաթեք, վերածեք ռուլետի: Նույն գործողությունը կրկնեք երկրորդ լավաշի հետ: 30 րոպե թողեք մնան:
Ռուլետները 2 սմ հաստությամբ կտրատեք ու բուսական յուղի մեջ երկու կողմից տապակեք:
Կարող եք մատուցել ինչպես տաք, այնպես էլ սառը վիճակում:
