Ղազախական կծու աղցան. Շալգամ
Բաղադրիչները՝
- բողկ- 250 գ
- գազար- 1-2 հատ
- քաղցր պղպեղ- 1 հատ
- սոխ- 1 գլուխ
- սխտոր- 1 պճեղ
- 6 %-անոց քացախ- 2 ճ/գ
- շաքարավազ- 1 ճ/գ
- բուսական յուղ-2 ճ/գ
- աղ
- աղացած կարմիր կծու պղպեղ
- կանաչի
Պատրաստման եղանակը
Բանջարեղենն ու կանաչին լվացեք ու մաքրեք:
Կանաչին ու սխտորը մանր կտրատեք, բանջարեղենը տաշեղաձև կտրատեք, սոխը՝ կիսաօղակաձև:
Համեմունքն ստանալու համար պնակի մեջ խառնեք բուսական յուղը, քացախը, կարմիր կծու պղպեղն ու շաքարավազը:
Կտրտած բանջարեղենը լցրեք մեծ պնակի մեջ, աղ արեք, վրան լցրեք ստացած համեմունքը: Մի քանի ժամով կամ ողջ գիշեր թողեք սառնարանում: Ապա հանեք, լցրեք աղցանամանի մեջ ու մատուցեք փլավի հետ:
