«Ես չգիտեմ՝ Աննա Հակոբյանը քանի դիմակ ունի. Իմ տղան 6 ընկերների հետ Ջրականում նահանջ հրամանին չի ենթարկվել, առաջ են գնացել». անհետ կորածի մայր
«Քաոսային վիճակից դեռ դուրս չենք գալիս, և անհասկանալի է, թե երբ ենք դուրս գալու, որովհետև, եթե երկիրը ղեկավարում է մի անձ, որը, իմ կարծիքով, չի զգում, թե Հայրենիքն ինչ բան է, կաթիլ-կաթիլ տալիս է թշնամուն»,- հերոս Էրիկ Եղիազարյանի հիշատակին անվանակոչված մարզահրապարակի բացման արարողության ժամանակ 168.am-ի հետ զրույցում ասաց 44-օրյա պատերազմում անհետ կորած զինծառայող Արայիկ Բաղդասարյանի մայրը՝ Գոհար Դավթյանը:
Խոսելով Աննա Հակոբյանի աղմկահարույց ելույթի, մասնավորապես՝ դասալքության մասին՝ տիկին Գոհարը նշեց. «Ես չգիտեմ՝ Աննա Հակոբյանը քանի դիմակ ունի: Եթե կռվում են մարդիկ, ինչո՞ւ եք նահանջի հրաման տվել: Իմ տղան 6 ընկերների հետ Ջրականում նահանջ հրամանին չի ենթարկվել, առաջ են գնացել»:
