Եվրոպայում գազի գինը 1000 խորանարդ մետրի դիմաց գերազանցել է 3800 դոլարը
Գազի գները Եվրոպայում արագորեն աճում են և հազար խորանարդ մետրի դիմաց գերազանցել են 3800 դոլարը։ Այս մասին հայտնում է РИА Новости-ն՝ հղում անելով առևտրային ցուցանիշներին։
Լոնդոնի ICE բորսայից ստացված տեղեկատվության համաձայն՝ առուվաճառքի մեկնարկի ժամանակ 1 խորանարդ մետրի արժեքը կազմել է 2366,8 դոլար, մի քանի րոպե անց գինը հասել է 2700 դոլարի, այնուհետև՝ 3800 դոլարի։ Այս գինը ռեկորդային է շուկայում։
Մասնագետները կտրուկ աճը կապում են եվրոպական ստորգետնյա պահեստարանների պարունակության ցածր մակարդակի, մատակարարումների սահմանափակումների և Ասիայում բնական հեղուկ գազի մեծ պահանջարկի հետ։
Փորձագետները նշել են, որ գազի գինը բարձրացել է Ռուսաստանից մատակարարումների վերաբերյալ մտավախությունների պատճառով՝ պայմանավորված ներկայիս աշխարհաքաղաքական իրավիճակով։
