Կորեայի Հանրապետության ռազմաօդային ուժերը կուժեղացնեն հակահրթիռային պաշտպանության (ՀՀՊ) ստորաբաժանումը՝ ծավալելով լրացուցիչ սարքավորանք, այդ թվում առաջավոր ռադարներ: Փետրվարի 17-ին այդ մասին հաղորդել է ազգային պաշտպանության նախարարությունը:
Կալանավորվել է Ադրբեջանի ՊՆ ռազմաօդային ուժերի ֆինանսական ծառայության նախկին պետ, գնդապետ Ջալալ Քազիմովը: Այս հայտնում են ադրբեջանական լրատվամիջոցները:
«Ինչպես տեսնում եք, ամեն օր իրավիճակ է փոխվում, ռուս-արևմտյան նման ինտենսիվ շփումներ երբևէ չեն եղել, Ֆրանսիայի նախագահը, Գերմանիայի կանցլերը, Մեծ Բրիտանիայի, Լեհաստանի ԱԳ նախարարները ժամանեցին Ռուսաստան, հեռախոսազրույցներ տեղի ունեցան՝ Պուտին-Բայդեն, Լավրով-Բլինքեն, այս ամենից անմասն մնացող երկրներին կարելի է պարզապես հաշվել մատների վրա, բնականաբար, սա գլոբալ ճգնաժամ է, որի ֆոնին հետպատերազմյան պայմանավորվածությունների կատարումը փոքր գործոն է: Դիվանագիտությունը կաշխատի փոքր տեմպերով»,- ասաց Սկակովը:
Պեկինի ձմեռային Օլիմպիական խաղերի կանանց հոկեյի չեմպիոնը Կանադան է:
Ֆրանսիան, եվրոպական մի շարք երկրներ եւ Կանադան որոշում են ընդունել՝ սկսել իրենց զինվորականների դուրսբերումը Մալիից: Այդ մասին ասվում է նրանց համատեղ հայտարարության մեջ, որը փետրվարի 17-ին հրապարակվել է Ելիսեյան պալատի կողմից: «Կանադան եւ Եվրոպայի երկրները (…) որոշել են սկսել իրենց զինվորականների համակարգված դուրսբերումը Մալիի տարածքից»,-ասվում է հայտարարության մեջ:
Փետրվարի լույս 13-ի գիշերը ոստիկանության Արաբկիրի բաժնի քրեական հետախույզներն ու համայնքային ոստիկանները Կորեայի ձորում հետապնդել էին «Օպել» մակնիշի մի ավտոմեքենա. տեղեկություններ ունեին, որ ուղևորի մոտ թմրանյութ կար:
168.am-ը գրել էր, որ ՊՆ կայքից հեռացրել են Արցախյան առաջին պատերազմի տարեգրությունը, որտեղ մանրամասն ներկայացվում էին իրականացված օպերացիաները, թե որ օրը հայկական ինչ շրջան, գյուղ է ազատագրվել: Ավելին, չկա նաև ՀՀ ազգային հերոսների մասին տեղեկատվական հատվածը: Դրանք «Գրադարան» բաժնի ներքո էին:
Տարածաշրջանում տրանսպորտային և տնտեսական կապերի ապաշրջափակման և մասնավորապես երկաթգծի բացման հնարավորությունները տեսանելի են: Ինչպես Վանաձորից հաղորդում է «Արմենպրես»-ի թղթակիցը՝ այդ մասին լրագրողների հետ ճեպազրույցում ասել է փոխվարչապետ Մհեր Գրիգորյանը՝ մեկնաբանելով Նիկոլ Փաշինյանի այսօրվա խոսքերը Երասխ-Ջուլֆա-Օրդուբադ-Մեղրի-Հորադիզ երկաթուղու վերաբերյալ:
Ռազմական գործիչ Գևորգ Գևորգյանի խոսքով՝ սովորաբար հանձնաժողովներ ստեղծվում են, որպեսզի քննեն այս կամ այն իրավիճակում եղած բացթողումները, ներկայացնեն օբյեկտիվ պատկերը, և եթե կա հանցագործություն, պետական դավաճանություն՝ վեր հանեն։ Սակայն այս ամենը բնորոշ չէ իշխանության ստեղծած ԱԺ քննիչ հանձնաժողովին՝ 44-օրյա պատերազմի հանգամանքներն ուսումնասիրելու վերաբերյալ։
Հայաստանում հավկիթի արտադրությամբ զբաղվող փոքր և միջին տնտեսվարողները հայտնվել են լուրջ խնդրի առջև: Նրանք ստիպված են ձուն վաճառել ինքնարժեքից ցածր գնով, ու խնդիրը, ըստ նրանց՝ գերարտադրությունն է: Ձվի շուկայում հիմա դեմպինգային քաղաքականություն է, շատ արտադրողներ հարկադրաբար իջեցրել են ձվի գները: Հավի մեկ ձվի ինքնարժեքը 55 դրամի շուրջ է տատանվում:
«Հայաստան» համահայկական հիմնադրամի գործադիր տնօրեն Հայկակ Արշամյանը և հիմնադրամի ներկայացուցիչներն այցելել են Տավուշի մարզ՝ ծանոթանալու Բերքաբեր և Բաղանիս համայնքներում իրականացվող կենսական նշանակություն ունեցող ջրամատակարարման ծրագրերի շինաշխատանքների ընթացքին:
Ամենակոշտ միջոցները պետք է ձեռնարկվեն անօրինական միգրանտների, հանցավոր խմբավորումների եւ եկվորների թվից օրենքի առանձին խախտողների նկատմամբ: Այս մասին հայտարարել Է Ռուսաստանի նախագահ Վլադիմիր Պուտինը ՌԴ ՆԳՆ կոլեգիայի նիստում, փոխանցում է ТАСС-ը։
ԱԺ «Հայաստան» և «Պատիվ ունեմ» խմբակցությունները նախապես հայտարարել էին, որ չեն մասնակցելու հանձնաժողովի աշխատանքներին՝ ընդգծելով, որ քանի դեռ ներկայիս իշխանությունն է կառավարման ղեկին, հանձնաժողովի աշխատանքները չեն կարող օբյեկտիվ լինել։
Եվրամիությունը ՆԱՏՕ-ից անմիջապես հետո հայտարարել է, որ Ուկրաինայի շուրջ ապաէսկալացիայի նշաններ չի տեսնում, հուսով է, որ «խաղաղությունը կհաղթանակի»: Փետրվարի 17-ին այս դիքորոշումն էհայտնել Եվրահանձնաժողովի ղեկավար Ուրսուլա ֆոն դեր Լյայենը։
Վերամիավորված Հայաստանի շրջափակումը Թուրքիայի ու Ադրբեջանի կողմից եղել ու մնում է միջազգային իրավունքի կոպիտ խախտում, ու նրանց կողմից դա որպես նախապայման ներկայացնելը եղել է ու կա հանցագործություն մարդկության հանդեպ։
Մարդկային աճյունների նույնականացման գործընթացի հետագա պարզեցման համար 793 կենսաբանական նմուշ է վերցվել 1990թ. հակամարտության արդյունքում անհայտ կորած 316 անձանց ընտանիքների անդամներից, ասվում է Կարմիր խաչի միջազգային կոմիտեի (ԿԽՄԿ) զեկույցում՝ 2021 թվականին Բաքվի եւ բարդինյան գրասենյակների գործունեության հիմնական ուղղությունների մասին, հաղորդում են ադրբեջանական ԶԼՄ-ները:
Իրանի գերագույն ղեկավար այաթոլլա Ալի Խամենեին անհեթեթ է համարել Արեւմուտքի այն պնդումները, թե Թեհրանը ձգտում է միջուկային զենք ստեղծել եւ կոչ է արել փոփոխություններ մտցնել իրանական միջուկային ծրագրի շուրջ համաձայնագրի մեջ: Այդ մասին փետրվարի 17-ին հաղորդում են իրանական ԶԼՄ-ները:
ՀՀ կառավարության հերթական նիստում Կառավարությունն առաջարկություն է ներկայացրել ԱԺ պատգամավոր Հայկ Սարգսյանի կողմից օրենսդրական նախաձեռնության կարգով ներկայացված «Զինվորական ծառայության և զինծառայողի կարգավիճակի մասին» օրենքում փոփոխություն կատարելու մասին» օրենքի նախագծի վերաբերյալ:
Հարկ է հիշատակել, որ ՀՀ ազգային անվտանգության ծառայության քննչական դեպարտամենտում պետական դավաճանության հատկանիշներով հարուցված և քննված այլ գործերով ևս բացահայտվել են բազմաթիվ դեպքեր, երբ մարտական գործողություններին մասնակցած անձինք պատերազմի ժամանակ հավաքագրվել և օտարերկրյա հատուկ ծառայությունների ներկայացուցիչներին են փոխանցել ռազմավարական նշանակություն ունեցող տվյալներ ու փաստաթղթեր՝ այդ կերպ թուլացնելով սեփական երկրի անվտանգությունը և աջակցելով հակառակորդին՝ լուծելու նրանց առջև դրված բազմապիսի մարտական խնդիրներ և մարտի դաշտում ունենալ զգալի առավելություններ։
Երևանի նախկին քաղաքապետ, Ազգային ժողովի «Պատիվ ունեմ» խմբակցության պատգամավոր Տարոն Մարգարյանը օրերս պապիկ է դարձել։
Արցախի Հանրապետության նախագահ Արայիկ Հարությունյանը փետրվարի 17-ին հրավիրել է աշխատանքային ընդլայնված խորհրդակցություն՝ նվիրված 2020թ. Արցախի դեմ սանձազերծված պատերազմում մարտական գործողություններին մասնակցած և թիկունքային տարբեր աշխատանքներում ընդգրկված քաղաքացիների կարգավիճակի հստակեցման հարցերին:
Փետրվարի 17-ի ցերեկը, 18-22-ը սպասվում է առանց տեղումների եղանակ:
Առնվազն ինը մարդ է զոհվել եւ եւս ինը վիրավորվել Թեհրանի նահանգի Վահիդիյե բնակավարում բնակելի շենքում տեղի ունեցած պայթյունի հետեւանքով: Փետրվարի 17-ին այդ մասին հայտնում է IRNA գործակալությունը՝ վկայակոչելով փրկարար ծառայությունները:
Արցախ կատարած այցի շրջանակում ՀՀ մարդու իրավունքների պաշտպան Արման Թաթոյանի գլխավորած պատվիրակությունը հանդիպումներ է ունեցել Արցախի Հանրապետության Ազգային ժողովի նախագահ Արթուր Թովմասյանի, Պետական նախարար Արտակ Բեգլարյանի ու Արցախի ՄԻՊ Գեղամ Ստեփանյանի հետ։
Ազգային ժողովի (ԱԺ) «Պատիվ ունեմ» ընդդիմադիր խմբակցության պատգամավորներ Տարոն Մարգարյանը, Տիգրան Աբրահամյանն ու Հայկ Մամիջանյանն այսօր այցելել են ՀՀ ԱՆ «Վարդաշեն» և «Նուբարաշեն» քրեակատարողական հիմնարկներ, ուր տեսակցել են «Ազգային անվտանգություն» կուսակցության նախագահ Գառնիկ Իսագուլյանին և Քասախ համայնքի ղեկավար Արա Մկրտչյանին:
Լեռնային Ղարաբաղի հակամարտության ծանրակշիռ բանակցային ժառանգությունը զրոյացրած, երկիրը ծանր պատերազմի ու պարտության հասցրած ՀՀ գործող իշխանությունների ստերը, աղավաղումները նախկինում Արցախյան հիմնախնդրի լուծման ուղղությամբ վարված բանակցային օրակարգի վերաբերյալ գրավում են ոչ միայն ներքին, այլև արտաքին դերակատարների ու նույնիսկ ԵԱՀԿ Մինսկի խմբի (ՄԽ) բոլոր ժամանակների համանախագահների ուշադրությունը։
ԱՄՆ-ի նախագահ Ջո Բայդենը եւ եւ Գերմանիայի կանցլեր Օլաֆ Շոլցը փետրվարի 16-ին կայացած հեռախոսազրույցի ընթացքում քննարկել են ՆԱՏՕ-ի արեւելյան թեւի երկրների ռազմական ուժեղացման հարցը՝ ի դեպս Ուկրաինայի դեմ Ռուսաստանի ենթադրական «ագրեսիայի»: Այդ մասին հայտարարել է Սպիտակ տունը։
«Ցավոք սրտի դեռ ունենք դեպքեր, երբ նույնականացումն ավարտվել է, անգամ կրկնվող հետազոտական արդյունքների պարագայում էլ ծնողները, հարազատները դեռ իրենց մեջ ուժ չեն գտնում տանելու և հուղարկավորելու»,- Կառավարության նիստի ավարտից հետո լրագրողների հետ ճեպազրույցում ասաց Առողջապահության նախարար Անահիտ Ավանեսյանը՝ անդրադառնալով 2020 թվականին տեղի ունեցած 44-օրյա պատերազմի հետևանքով զոհված, և 1 տարուց ավելի դիահերձարաններում պահվող մարմինների և մասունքների ճակատագրի մասին հարցին։
Թուրքիայի ԱԳ նախարար Մևլութ Չավուշօղլուն հեռախոսազրույցներ է ունեցել Ռուսաստանի և Ուկրաինայի իր գործընկերներ Սերգեյ Լավրովի և Դմիտրի Կուլեբայի հետ: Թուրքիայի ԱԳՆ-ից տեղեկացրել են, որ հեռախոսազրույցների թեման եղել է ռուս-ուկրաինական լարվածության համատեքստում տեղի ունեցող զարգացումները:
Հռոմում ավելի քան 60 մարդ են ձերբակալել`Ndrangheta մաֆիայի դեմ կարաբիներների տարածաշրջանային ստորաբաժանման ընդգրկուն գործողության շրջանակներում: Ինչպես փետրվարի 17-ին հաղորդել է ANSA գործակալությունը, նրանց բոլորին կասկածում են մաֆիայի գործունեությանը մասնակից լինելու մեջ։
