6 պատճառ գաղտնաբառերը բրաուզերում չպահելու համար

Մի շտապեք և մի տվեք ձեր համաձայնությունը,  երբ Chrome-ը կամ Firefox-ը ևս մեկ անգամ առաջարկում է ձեզ հիշել ձեր մուտքի տվյալները:

Փորձեք հիշել, թե քանի հաշիվ ունեք տարբեր առցանց ծառայություններում՝ էլփոստ (կամ նույնիսկ մեկից ավելի), ամպային պահոցներ, սոցիալական ցանցեր, հոսքային ծառայություններ… Հնարավոր չէ նշել բոլորը: Այսքան շատ անուններ և գաղտնաբառեր մտապահել կարող են միայն իսկապես գերազանց հիշողություն ունեցող մարդիկ:

Շատ օգտատերեր գտնում են հեշտ լուծում՝ օգտագործելով նույն գաղտնաբառը տարբեր կայքերի և ծառայությունների համար: Բայց սա ստեղծում է անվտանգության սպառնալիքային բաց, որովհետև եթե մի հաշիվ վնասվի, մնացածը ևս կտուժեն: Իսկ Have I Be Pwned կայքէջի տվյալները ցույց են տալիս, թե որքան հաճախ են տեղեկատվության արտահոսքեր տեղի ունենում նույնիսկ առավել հուսալի ծառայություններում։ Սակայն գաղտնաբառերը հիշելու համար դրանք բրաուզերում պահպանելը լավ տարբերակ չէ։

1. Բրաուզերում գաղտնաբառերի պահպանումը վստահելի չէ

Բրաուզերի ներկառուցված հավատարմագրերն իսկական անվտանգության խոտան են: Եթե ​​ձեր համակարգիչը թողնում եք առանց հսկողության, չափազանց հետաքրքրասեր անհատները կարող են հեշտությամբ դուրս հանել գաղտնաբառը վեբ բրաուզերից՝ փորփրելով կարգավորումները:

Դրանից կարելի է խուսափել ձեր զննարկչում հիմնական գաղտնաբառ տեղադրելով (այն մշտական չի օգտագործվում): Բայց հատուկ հաշիվների կառավարիչները շատ ավելի լավ կպաշտպանեն ձեր տվյալները՝ դրանք կարող են ձեզ ստիպել մուտքագրել հիմնական գաղտնաբառ ամեն անգամ, երբ հաշիվների բազաները բացեք։

Որոշ ծրագրեր թույլ են տալիս ավելացնել մեկ այլ պաշտպանական շերտ։ Օրինակ՝ ծրագիրը ձեզ կխնդրի գաղտնաբառեր մուտք գործելիս նշել «բանալիներ»: Կամ, կարող եք կարգավորել երկփուլային նույնականացում, որը պարզ, բայց չափազանց արդյունավետ միջոց է՝ ձեր տվյալներն անվտանգ պահելու համար:

2. Տարբեր բրաուզերների միջև համաժամացում չկա

Այժմ ցանկացած բրաուզեր համաժամացնում է էջանիշները, պատմությունը և գաղտնաբառերը ձեր բոլոր սարքերի միջև: Բայց, եթե Firefox-ն օգտագործում եք ձեր աշխատանքային համակարգչում, Chrome-ը՝ ձեր սմարթֆոնում, իսկ Safari-ն՝ Apple-ի նոութբուքում, իհարկե, դրանք իրար հետ գաղտնաբառեր չեն փոխանակի:

Հետևաբար, ավելի լավ է ձեր տվյալները մեկընդմիշտ մուտքագրեք երրորդ կողմի կառավարիչ։ Չկա ավելի հեշտ բան, քան ձեր բոլոր վեբ զննարկիչներին պահանջվող ընդլայնում ավելացնելն ու դրանցում գաղտնաբառերի մեկ տվյալների բազա օգտագործելը:

3. Զննարկիչը կարող է պահպանել միայն գաղտնաբառերը

Զննարկչի վրա հիմնված գաղտնաբառերի կառավարիչների տվյալների պահպանման հնարավորությունները բավականին սուղ են: Գրառմանը կարող եք ավելացնել միայն համադրությունը, մուտքի և կայքի հասցեն:

Երրորդ կողմի գաղտնաբառերի կառավարիչները շատ ավելին են անում: Նրանք կարող են պահել նշումներ, գաղտնաբառային արտահայտություններ, լիցենզիայի բանալիներ, Wi-Fi տվյալներ կամ, օրինակ, SSH ստեղներ: Կարող եք կցել ձեր գրառումներին կից կարևոր փաստաթղթեր, լուսանկարներ, անձնագրային տվյալների պատճեններ, վարորդական իրավունք և այլ կարևոր տեղեկություններ: Այս ամենը հուսալիորեն պաշտպանված կլինի:

Բացի այդ, գաղտնաբառերի կառավարիչներն ավելի հարմար են տվյալների տեսակավորման և կազմակերպման համար։ Դրանք կարող են բաժանվել թղթապանակների, նշանակվել կամայական անուններ և մեկնաբանվել:

4. Գաղտնաբառի փոխանակման գործառույթ գոյություն չունի

Շատ մենեջերներ, օրինակ` LastPass-ը, տրամադրում են գաղտնաբառերն արագ և հարմարավետորեն կիսելու հնարավորություն: Սա օգտակար է, եթե ցանկանում եք թույլ տալ ձեր ընկերներին կամ ընտանիքին ժամանակավոր մուտք գործել ձեր որոշ հաշիվներ, օրինակ, որպեսզի ձեր կինը կամ ամուսինը կարողանա վճարել հաշիվները ձեր բանկային հաշվի միջոցով, կամ ձեր ծանոթները կարողանան ֆիլմ դիտել ձեր հոսքային ծառայության հաշվի միջոցով:

Կառավարիչում կարող եք նաև կարգավորել արտակարգ իրավիճակների հասանելիությունն այն մարդկանց համար, ում վստահում եք: Եթե, ասենք, հայտնվեք հիվանդանոցում, և ձեր հարազատները պետք է մուտք ունենան ձեր հաշիվներ, նրանք դա կարող են անել, նույնիսկ, եթե անգիտակից եք:

5. Զննարկչում գաղտնաբառի հուսալիության ստուգում չկա

Եթե ​​փորձեք հաշիվ ստեղծել թույլ գաղտնաբառով, ներկառուցված գործիքները ձեզ ոչ մի կերպ չեն զգուշացնի: Զննարկիչը հրաժարվում է ձեր մուտքագրած ցանկացած համադրությունից, նույնիսկ 123-ը: Անհատական ​​գաղտնաբառ ստեղծողներ կան միայն Chrome-ում և Safari-ում, բայց դրանք տրամադրում են միայն առավել հիմնական հատկությունները՝ օգտագործվող նիշերի երկարությունը և ցանկը հնարավոր չէ հարմարեցնել:

6. Ձեր տվյալները պահվում են երրորդ կողմի կողմից

Երբ գաղտնաբառ եք պահում Chrome-ում կամ Firefox-ում, այն ուղարկվում է Google-ի և Mozilla-ի սերվերներին: Սա դուր չի գալիս այն մարդկանց, ովքեր նախընտրում են ինքնուրույն պահպանել գաղտնի տեղեկատվություն և չեն ապավինում երրորդ կողմի ծառայությունների հուսալիությանը:

Բնականաբար, ամպային ծառայության վրա հիմնված գաղտնաբառերի կառավարիչները նույն խնդիրն ունեն: Բայց այստեղ դուք առնվազն մի քանի այլընտրանք ունեք, որոնք ձեզ չեն ստիպում տվյալներ պահել այլ մարդկանց սերվերների վրա:

Օգտագործեք KeePass կամ Enpass: Գաղտնաբառերի այս մենեջերները հավատարմագրերը պահում են իրենց անվտանգ ծածկագրված տվյալների շտեմարաններում, որոնք կարող եք պահել ցանկացած վայրում՝ կոշտ սկավառակի վրա, արտաքին կրիչի վրա կամ ձեր ամպային պահեստում: Կա նաև BitWarden-ի նման մի ծրագիր, ընդհանուր առմամբ, առաջադեմ օգտվողներին հնարավորություն է տալիս գաղտնաբառերի համար ստեղծել իրենց սեփական մինի-սերվերը: Եվ ձեր հավատարմագրերը միայն ձեզ են պատկանելու:

Ինչպես նշեցինք, բրաուզերներում գաղտնաբառերը չպահելու համար լավագույն լուծումը կարող է լինել գաղտնաբառերի կառավարիչների օգտագործումը։

Գաղտնաբառի կառավարիչի միջոցով ձեզ հարկավոր չի լինի հիշել մուտքի մասին շատ տեղեկություններ: Ծրագիրը կանի ամեն ինչ ձեզ համար: Բավական կլինի հիշել միայն մեկ գաղտնաբառ, որը կոդավորում է ամբողջ տվյալների բազան: Եվ սա շատ ավելի պարզ է: Բոլոր մենեջերները հագեցված են ներկառուցված գործիքներով՝ եզակի կոդավորումներ ստեղծելու համար: Դրանք հնարավոր չէ գուշակել բառարան օգտագործելով, քանի որ դրանք տառերի, համարների և խորհրդանիշների պատահական հավաքածուներ են: Բնականաբար, սա լրջորեն բարելավում է անվտանգությունը: Նման գեներացված գաղտնաբառը գտնելու համար անհրաժեշտ են շատ տարիներ:

Բացի այդ, գաղտնաբառի գեներատոր օգտագործելը շատ հարմար է: Դուք այլևս կարիք չեք ունենա գտնել հեշտ հիշվող, բայց բարդ կառուցվածք ունեցող արտահայտություն: Ծրագիրը կկատարի ամեն ինչ ձեր փոխարեն, կգրի և կլրացնի անհրաժեշտ դաշտերը: Եվ այլևս ոչ մի կրկնվող գաղտնաբառ:

Սիրարփի Աղաբաբյան