Թրամփը նորից հայտարարել է, որ դադարեցրել է Հայաստանի և Ադրբեջանի միջև պատերազմը
Այս պատերազմը (Ռուսաստանի և Ուկրաինայի միջև – խմբ.) Ջո Բայդենի պատերազմն է, ոչ թե իմը։ Ես ժառանգել եմ այս հիմար պատերազմը։ Այս պատերազմը երբեք չպետք է տեղի ունենար։ Այն երբեք տեղի չէր ունենա, եթե ես նախագահ լինեի, հայտարարել է ԱՄՆ նախագահ Դոնալդ Թրամփը CBS News-ին տված հարցազրույցում։
«Այնուհետև ընտրությունները կեղծվեցին, և ձայները գողացան։ Եվ հիմա ես վերադարձել եմ և պատրաստվում եմ շտկել այդ խնդիրը։
Ես բերել եմ պատերազմների կարճ ցանկ, որոնք ես կանգնեցրել եմ. Կամբոջա և Թաիլանդ, Կոսովո և Սերբիա, Կոնգո և Ռուանդա, Պակիստան և Հնդկաստան, Իսրայել և Իրան, Եգիպտոս և Եթովպիա, Հայաստան և Ադրբեջան։ Եվ եթե մտածենք՝ նաև Իսրայելն ու ՀԱՄԱՍ-ը. դա դժվար իրավիճակ է, բայց կլուծվի։
Ես կանգնեցրի ինը պատերազմից ութը»,- նշել է Թրամփը։
