«Իրավիճակը վատթարանում է». Նադալը պատմել է՝ արդյո՞ք կխաղա «Ռոլան Գարոսում»
«Ռոլան Գարոսի» 12-ակի չեմպիոն Ռաֆայել Նադալը պատմել է, թե արդյոք կմասնակցի՞ մրցաշարին 2020 թվականին:
«Ես հավատում եմ, որ «Ռոլան Գարոսը» տեղի կունենա: Ես մտածում եմ դրա մասին և պատրաստվում եմ, բայց պետք է հետևել իրադարձությունների զարգացմանը: Վերջին շաբաթներին իրավիճակը կարծես թե վատթարանում է: Բայց ես կմասնակցեմ, եթե պայմանները թույլ տան, որ մրցաշարն անցկացվի»,- 34-ամյա Նադալի խոսքերն է մեջբերում AFP-ի լրագրող Թոմ Էլնաթը:
Իսպանացին, ով ATP վարկանիշային աղյուսակում երկրորդն է, հրաժարվել է մասնակցել ԱՄՆ-ի բաց առաջնությանը՝ ԱՄՆ-ում անբարենպաստ համաճարակաբանական իրավիճակի պատճառով:
«Ռոլան Գարոսը» հետաձգվել է մայիսից: Մրցաշարի նոր ժամկետները սեպտեմբերի 27-ից հոկտեմբերի 11-ն են:
Պատրաստեց Անի Գաբուզյանը
