5 պարզ բան, որ չի կարելի անել նոութբուքի հետ
Նոութբուքերը վաղուց դադարել են լինել շքեղություն և վերածվել են աշխատանքային գործիքների և ամենօրյա կենցաղային տեխնիկայի: Այնուամենայնիվ, եթե նոութբուքը կոտրվում է, ապա միշտ էլ տխուր է: Նոութբուքի կյանքը երկարացնելու համար չպետք է անել մի քանի բաներ։
Կատուները նոութբուքերի թշնամիներն են
Նոութբուքի ստեղնաշարի վրա մլավող կատուն, իհարկե, գեղեցիկ է, հուզիչ և դրա լուսանկարը կարող է տեղադրվել Instagram-ում: Բայց ավելի է լավ կազմակերպեք ձեր ընտանի կենդանուն հարմարավետ տեղ տաք մարտկոցի վրա: Կատուների մազերը կարող են մուտք գործել նոութբուքի մեջ, կուտակվել համակարգում և փչացնել սարքը․ օրինակ՝ նոութբուքը կարող է փչանալ գերտաքացումից:
Չի կարելի միանգամից միացնել տաք վայրում
Հենց որ տաք սենյակում միացնում եք սառը նոութբուքը, խոնավությունն անմիջապես սկսում է ներթափանցել դրա մեջ: Խոնավությունը կարող է շատ վնասել նոութբուքը։ Տաք վայրում միանգամից միացված նոութբուքը կարող է վնասվել կարճ միացումից: Այսպիսով, ավելի լավ է սարքն առնվազն 40 րոպե թողնել, որպեսզի այն ընտելանա սենյակի ջերմաստիճանին:
Պտտել և ծալել լարերը
Նոութբուքերի լիցքավորող լարերը, կարծես, շատ ամուր են: Բայց առաջին տպավորությունն ապակողմնորոշիչ է. թե նոութբուքը և դրա համար նախատեսված բոլոր պարագաները պատրաստված են տրանսպորտում տեղափոխելու հեշտության համար: Հետևաբար, ձեր գործիքի լիցքավորումը նույնպես շատ ուժեղ չէ: Փորձեք այն չկախել կահույքի անկյուններից, մի քաշեք այն օդում և մի պտտեք․ հակառակ դեպքում ստիպված կլինեք գնել նորը:
Չի կարելի դնել տաք թեյը նոութբուքի վրա
Տաք սուրճը կամ թեյը բաց համակարգչի կողքին դնելը նման է մահվան հետ խաղեր խաղալուն, դա բոլորը գիտեն: Բայց շատերը չեն մտածում այն մասին, որ փակ նոութբուքի վրա մի բաժակ եռացրած ջուր դնելը նույնպես շատ վտանգավոր է: Շատ տաք ուտեստները կարող են տաքացնել և քայքայել սարքի մատրիցան:
Չի կարելի բացել էկրանը կողքերից
Էկրանը նոութբուքի առավել փխրուն մասն է, հատկապես էժան մոդելներում: Բարձրացնելով դրա կափարիչն անկյունից, դուք թեքում եք մատրիցան: Մի քանի անգամ նման կերպ վարվելը կբերի նրան, որ էկրանը, կամ դրա մասերից մեկը կկոտրվի։ Դրա համար ավելի ճիշտ է բացել էկրանը երկու ձեռքով և կենտրոնից։
Սիրարփի Աղաբաբյան
