«Denovo Sciences»-ը, «Sidra Medicine»-ը և «Weill Cornell Medicine-Qatar»-ը հայտարարում են հոմոցիստինուրիայի դեմ դեղամիջոց հայտնաբերելու համագործակցության մասին

«Denovo Sciences Inc.»-ը, որը արհեստական բանականության (ԱԲ) միջոցով սինթետիկ տվյալների վրա հիմնված դեղերի հայտնաբերման ոլորտի առաջատարն է, «Weill Cornell Medicine-Qatar»-ը (WCM-Q), որը առաջատար կենսաբժշկական հետազոտական և կրթական հաստատություն է, և «Sidra Medicine»-ը, որը կանանց և երեխաների առողջապահական կազմակերպություն է, համագործակցում են հոմոցիստինուրիայի՝ հազվագյուտ և ժառանգական հիվանդության, դեմ դեղամիջոց հայտնաբերելու և մշակելու նպատակով։

Համագործակցության նպատակն է ստեղծել դեղամիջոց դեռևս անբուժելի հանդիսացող հիվանդություններից մեկի նկատմամբ, որը լուրջ խնդիր է Մերձավոր Արևելքի և Հյուսիսային Աֆրիկայի (ՄԱՀԱ) տարածաշրջանում, որտեղ այս հիվանդությունն ունի աշխարհում ամենաբարձր տարածվածության մակարդակներից մեկը։

Հոմոցիստինուրիան ժառանգական խանգարում է, որը խաթարում է օրգանիզմի՝ մետիոնին ամինաթթուն մշակելու ունակությունը, ինչը հանգեցնում է հոմոցիստեինի թունավոր կուտակմանը արյան մեջ։ Սա կարող է առաջացնել լուրջ բարդություններ, այդ թվում՝ զարգացման ուշացումներ, տեսողական խնդիրներ, կմախքային անոմալիաներ և կյանքին սպառնացող արյան մակարդուկների և կաթվածների բարձր ռիսկ։ Թեև ներկայումս գոյություն ունեն խիստ սննդային սահմանափակումներ և հավելումներ ներառող բուժումներ, դրանց արդյունավետությունը հիվանդների զգալի մասի համար սահմանափակ է։ Նոր թերապևտիկ տարբերակների անհրաժեշտությունը հատկապես կարևոր է ՄԱՀԱ տարածաշրջանում, որտեղ տարածվածության մակարդակը, ինչպիսին Քաթարում է (1,800 ծնունդներից 1-ը), զգալիորեն ավելի բարձր է, քան համաշխարհային միջին ցուցանիշը (ավելի քան 200,000 ծնունդներից 1-ը):

«Մենք ուրախ ենք համագործակցել այնպիսի հեղինակավոր հաստատությունների հետ, ինչպիսիք են «Weill Cornell Medicine-Qatar»-ը և «Sidra Medicine»-ը»,- ասաց Հովակիմ Զաքարյանը, Denovo Sciences-ի գործադիր տնօրենը։ «Մեր Denovo հարթակը եզակիորեն հարմար է այն հազվագյուտ հիվանդությունների դեմ պայքարելու համար, որոնց դեպքում տվյալները սակավ են կամ բացակայում են: Մեր առաջադեմ հաշվողական մոդելավորումը WCM-Q-ի ակնառու կենսաբանական և նախակլինիկական փորձագիտության հետ համատեղելով՝ մենք վստահ ենք, որ կարող ենք հայտնաբերել խիստ անհրաժեշտ դեղամիջոց հոմոցիստինուրիայով հիվանդների համար, հատկապես այն տարածաշրջանում, որտեղ դրա կարիքն ամենամեծն է»։

Համագործակցությունը կօգտագործի բոլոր երեք կազմակերպությունների եզակի ուժեղ կողմերը։ «Denovo Sciences»-ը կիրականացնի քվանտային մեխանիկայի/մոլեկուլային մեխանիկայի ուսումնասիրություններ և կկիրառի իր սեփական ԱԲ-ի վրա հիմնված Denovo հարթակը՝ բարձր արդյունավետությամբ խոստումնալից դեղամիջոցների թեկնածուներ ստեղծելու համար։ «Weill Cornell Medicine-Qatar»-ը կներդնի իր գերժամանակակից հետազոտական ենթակառուցվածքները, նյութափոխանակության խանգարման հիվանդությունների ոլորտում խորացված փորձառությունը և համաշխարհային կարգի հետազոտողների թիմը՝ ուսումնասիրելու «Denovo Sciences»-ի կողմից տրամադրված դեղամիջոցի թեկնածուները։ «Sidra Medicine»-ը կկիրառի իր լայնածավալ կլինիկական փորձառությունը հոմոցիստինուրիայի ոլորտում՝ կլինիկայում նոր թեկնածուների ներդրման վերաբերյալ հաջորդ քայլերը որոշելու համար։
«Այս եռակողմ համագործակցությունը հիմնված է Denovo Sciences-ի, WCM-Q-ի և Sidra Medicine-ի համատեղ փորձագիտության վրա՝ Քաթարի բազմաթիվ ընտանիքներին ախտահարող ավերիչ հիվանդության դեմ պայքարելու համար», – ասաց WCM-Q-ի համակարգերի և հաշվողական կենսաբժշկության պրոֆեսոր/հետազոտությունների, նորարարությունների և առևտրայնացման գծով փոխդեկան, դոկտոր Խալեդ Մաչական: «Մենք անկեղծորեն հավատում ենք, որ մեր համատեղ ջանքերը և առաջատար տեխնոլոգիաները որոշակիորեն կթեթևացնեն տուժած անձանց կարգավիճակը»։

«Մեր փորձը և հազվագյուտ հիվանդություններով երեխաների բուժման մասնագիտացված արձանագրությունները մեզ ուժեղ գործընկեր են դարձնում Denovo Sciences-ի և WCM-Q-ի հետ այս նորարարական նախաձեռնության մեջ», – ասաց Sidra Medicine-ի գենոմիկ և գենետիկական բժշկության բաժնի ղեկավար, պրոֆեսոր Թաուֆեգ Բեն Օմրանը: «Հոմոցիստինուրիայի համար ԱԲ-ի վրա հիմնված նոր թերապիայի ծրագրի ներդրումը կփոխի Քաթարի և ողջ տարածաշրջանի երիտասարդ հիվանդների խնամքի ընթացքը»։

Denovo Sciences Inc.-ի մասին
Denovo Sciences Inc.-ը տեխնոկենսաբանական ընկերություն է, որը մշակում է դեղամիջոցների թեկնածուներ իր սեփական Denovo հարթակի միջոցով, կիրառելով սինթետիկ տվյալներ՝ ԱԲ մոդելները մարզելու նպատակով։ Հաղթահարելով սակավ և անավարտ փորձարարական տվյալների սահմանափակումները՝ Denovo հարթակը հնարավորություն է տալիս ավելի արդյունավետ ուսումնասիրել քիմիական միացությունների նոր տարբերակները և աջակցում է դեղանման ուժեղ հատկություններով նոր փոքր մոլեկուլների արագ նախագծմանը։

Weill Cornell Medicine Qatar-ի մասին
Weill Cornell Medicine-Qatar-ը Քորնելի համալսարանի և Քաթարի հիմնադրամի (Qatar Foundation) համագործակցությունն է։ Այն առաջարկում է վեցամյա համապարփակ բժշկական ծրագիր, որը հանգեցնում է Քորնելի համալսարանի բժշկական գիտությունների դոկտորի աստիճանի, որին դասավանդում են Քորնելի և Weill Cornell-ի դասախոսները, ինչպես նաև Hamad Medical Corporation (HMC)-ի, Sidra Medicine-ի, Primary Health Care Corporation-ի և Aspetar Orthopedic and Sports Medicine Hospital-ի բժիշկները, որոնք էլ զբաղեցնում են Weill Cornell-ի պաշտոնները:

Իր կենսաբժշկական հետազոտությունների ծրագրի միջոցով WCM-Q-ն Քաթարում կառուցում է կայուն հետազոտական համայնք՝ միաժամանակ զարգացնելով հիմնարար գիտական և կլինիկական հետազոտությունները: Իր բժշկական քոլեջի միջոցով WCM-Q-ն ձգտում է բժշկական ուսանողներին տրամադրել հնարավոր լավագույն կրթությունը, բարելավել առողջապահությունը՝ ինչպես ներկա, այնպես էլ ապագա սերունդների համար, և Քաթարի բնակչությանը տրամադրել բարձրորակ առողջապահական ծառայություններ:

Sidra Medicine -ի մասին
Sidra Medicine-ը մասնավոր, ոչ առևտրային ակադեմիական առողջապահական և հետազոտական հաստատություն է կանանց, երեխաների և երիտասարդների համար։
Հիմնադրվելով Քաթարի Կրթության, Գիտության և Համայնքային զարգացման Հիմնադրամի կողմից, Sidra Medicine-ը հանձնառու է ապահովել հիվանդների և ընտանիքների համար բացառիկ կենտրոնացած խնամք, անցկացնել նորարարական կենսաբժշկական և կլինիկական հետազոտություններ, ինչպես նաև ապահովել անհատականացված խնամքի, բուժման և ճշգրիտ բժշկության ուղի՝ հատկապես հազվագյուտ և գենետիկական հիվանդությունների համար։
Sidra Medicine-ի մասնագիտացված առողջապահական կամ միջազգային հիվանդների ծառայություններից օգտվելու համար, ներառյալ մանկական խնամքը, կանանց առողջությունը և հազվագյուտ հիվանդությունների բուժումը, կամ մասնավոր կլինիկաներից մեկում խորհրդատվություն պատվիրելու համար, խնդրում ենք զանգահարել +974 40033333 հեռախոսահամարով կամ այցելել մեր կայքը՝ http://www.sidra.org հասցեով։

Լրացուցիչ տեղեկությունների համար խնդրում ենք կապվել՝ [email protected]