Պետական դավաճանության խոստովանություն. շուտով փաստաթուղթ կհրապարակվի. Արթուր Խաչիկյան
168TV-ի «Թրիգեր» հաղորդաշարի հյուրն ԱՄՆ Սթենֆորդի համալսարանի քաղաքագիտության դոկտոր, միջազգայնագետ Արթուր Խաչիկյանն է։
Հաղորդման ընթացքում քննարկվել են այնպիսի հարցեր, ինչպիսիք են Բուդապեշտում կայանալիք ԱՄՆ-Ռուսաստան նախագահական գագաթնաժողովի՝ անորոշ ժամանակով հետաձգումը և Ալիևի հայտարարությունը, որ Ադրբեջանը վերացրել է Հայաստան բեռների տարանցման բոլոր սահմանափակումները:
Քննարկվեց նաև Փաշինյանի ելույթը Վրաստանում կայացած «Մետաքսի ճանապարհ» համաժողովում, որտեղ նա հայտարարեց, որ Հայաստանը քաղաքականապես պատրաստ է բացել Ադրբեջանի, Նախիջևանի և Թուրքիայի միջև տրանսպորտային և էներգետիկ ուղիները, սակայն տեխնիկական պատրաստվածության համար կպահանջվի ևս երկու-երեք տարի:
Քննարկվեցին նաև Գյումրու քաղաքապետի և ընդդիմության մի քանի ներկայացուցիչների կալանավորման, 2026 թվականի ընտրությունների հետ կապված սպասումների հարցերը և Փաշինյանի հայտարարությունը կարգալույծ նախկին քահանա Ստեփան Ասատրյանի կողմից մատուցվելիք պատարագին մասնակցելու մտադրության մասին:
Հայկ Դերզյան
