Վարսակի կիսելը կվերականգնի առողջությունը
Այն հակացուցումներ չունի և շատ հաճելի համ ունի։
Վարսակի կիսելն օգտակար է ստամոքսի, լյարդի ու երիկամների համար։ Այն տարրալուծում է լեղածորանում ու միզածորանում եղած քարերը, նվազեցնում է արյան մեջ խոլեստերինի մակարդակը։ Վարսակը վերականգնում է ուժերը, տալիս էներգիա, օգնում պայքարել դեպրեսիայի դեմ։
Այն պատրաստելու համար պետք է վերցնել՝
- 1 բաժակ վարսակի փաթիլներ
- 5 բաժակ ջուր
- 1 բաժակ կաթ
- մեղր
Դնել կրակին ու եռացնել թույլ կրակի վրա մինչև հեղուկ կիսելային վիճակի հասնելը։ Ապա ավելացնել կաթը՝ մինչև նախնական ծավալին հասնելը, ու եռացնել։ Երբ մի քիչ սառչի, ավելացնել 4 ճաշի գդալ մեղր՝ ըստ ճաշակի։ Կերեք օրվա ընթացքում, որքան ուզում եք։
Վարսակի կիսելն օրգանիզմը մաքրում է վնասակար նյութերից, որոնք տարիներով կուտակվել են սխալ սնվելու հետևանքով։ Կիսելի մշտական օգտագործումը բարձրացնում է դիմադրողականությունը, առույգություն է հաղորդում, էներգիա, նպաստում է երկար ու առողջ կյանքին։ Բացի դրանից, վարսակի փաթիլներից պատրաստված կիսելը՝
- օժտված է կենարար հատկությամբ
- բարելավում է օրգանիզմում փոխանակության պրոցեսները
- նվազեցնում է խոլեստերինի մակարդակը
- օժտված է լեղամուղ հատկություններով
- կարգավորում է ճարպային փոխանակությունը
- բարերար ազդեցություն է գործում ենթաստամոքսային գեղձի աշխատանքի վրա
- նվազեցնում է ցավերը՝ ստամոքսի տարատեսակ հիվանդությունների դեպքում
- աթերոսկլերոզի կանխարգելման դեմ միջոց է
- անցկացնում է մաշկի չորության ու թեփոտվածության զգացողությունը
- կանխում է այտուցների առաջացումը
- ամրապնդում է իմունիտետը
- բարելավում է տեսողությունը:
Նյութը հրապարակման պատրաստեց 168.am-ը
