Փաշինյանը ՀՀ կադաստրի կոմիտեի ղեկավարին գործուղում է Ռուսաստան
ՀՀ վարչապետ Նիկոլ Փաշինյանի որոշմամբ Կադաստրի կոմիտեի ղեկավար Սուրեն Թովմասյանը երկօրյա այցով գործուղվելու է Ռուսաստանի Դաշնություն: Այս մասին տեղեկանում ենք e-gov հարթակից:
Թովմասյանը մեկնելու է Մոսկվա սեպտեմբերի 15-17-ը:
«Սուրեն Թովմասյանին գործուղել ՌԴ՝ Անկախ պետությունների համագործակցության մասնակից պետությունների գեոդեզիայի, քարտեզագրության, կադաստրի և երկրի հեռահար զոնդավորման միջպետական խորհրդի 48-րդ նստաշրջանին մասնակցելու նպատակով»,- ասված է որոշման մեջ:
ՌԴ այցի ծախսերն արվելու են Կադաստրի կոմիտեի 2026 թվականի բյուջեի «Անշարժ գույքի կադաստրի վարման բնագավառում պետական քաղաքականության իրականացում» ծրագրով նախատեսված միջոցների հաշվին:
Թովմասյանը եռօրյա ժամկետում պետք է գործուղման մասին հաշվետվություն ներկայացնի:
