Թուրքիայի ՌԾՈւ-ի հրամանատարը Նովոռոսիյսկում այցելել է «Ադմիրալ Գրիգորովիչ» ֆրեգատ
Թուրքիայի ռազմածովային ուժերի հրամանատար Վեյսելե Քոսելեն Նովոռոսիյսկում այցելել է ՌԴ սեւծովյան նավատորմի «Ադմիրալ Գրիգորովիչ» ֆրեգատ: Այդ մասին լրագրողներին հայտնել է նավատորմի ներկայացուցիչ Վյաչեսլավ Տրուխաչովը:
«Սեւծովյան նավատորմի հրամանատար ծովակալ Ալեքսանդր Վիտկոյի ուղեկցությամբ թուրք ծովակալը դիտել է նավը, ծանոթացել նրա տեխնիկական բնութագրերին ու սպառազինությանը»,-պատմել է Տրուխաչովը, հավելելով, որ Քոսելեն շնորհակալություն է հայտնել անձնակազմին ջերմ ընդունելության համար:
Ինչպես արդեն տեղեկացվել է, Թուրքիայի ռազմածովային ուժերի մարտանավերի ջոկատը ոչ պաշտոնական այցով ժամանել է Նովոռոսիյսկ: Դրանց թվում են «Բարբարոս» ֆրեգատը եւ «Բյուկադա» կորվետը:
«Նավերը ռուսական նավահանգիստ են մտել Թուրքիայի ՌԾՈւ-ի «Ծովային աստղ» ամենամյա ռազմածովային վարժանքներին մասնակցելուց հետո: Թուրքիայի ՌԾՈւ-ի նավերի ջոկատին Նովոսիբիրսկում դիմավորել է Նովոռոսիյսկի ռազմածովային բազայի 1-ին կարգի կապիտան Օլեգ Շաստովը: Պլանավորվում է, որը «Բարբարոս» ֆրեգատի եւ «Բյուկադա» կորվետի այցը կտեւի մինչեւ ապրիլի 5-ը: