Իրանի շուրջ հակամարտության սկզբից ի վեր Հորմուզի նեղուցում զոհվել է 19 ծովային
Իրանի շուրջ հակամարտության սկզբից ի վեր Հորմուզի նեղուցի շրջանում 68 նավերի վրա իրականացված հարձակումների հետևանքով զոհվել է 19 ծովային։ Այս մասին հաղորդում է Միջազգային ծովային կազմակերպությունը։
Հաղորդվում է նաև 35 վիրավորի և մեկ անհետ կորածի մասին։
Անդամ պետությունների և ոլորտի ներկայացուցիչների հետ համակարգմամբ Կազմակերպությունը մշակել է տարածաշրջանից մոտ 6000 ծովայինների տարհանման ծրագիր։ Ներկայումս ծրագրի իրականացումը կասեցված է։
