Ավելի քան 1000 կամավոր 400-ամյա ճապոնական ամրոցը սեփական ձեռքերով վերադարձրել է իր նախկին տեղը
Ճապոնիայում ավելի քան 1000 կամավոր վերանորոգման աշխատանքներից հետո 400-ամյա Հիրոսակի ամրոցը տեղափոխել է Աոմորի պրեֆեկտուրայում գտնվող իր նախկին տեղը․ գրում է Euronews-ը։
Վերանորոգման աշխատանքները տևել են շուրջ մեկ տասնամյակ։
Փայտե ամրոցը, որը Ճապոնիայում պահպանված 12 բնօրինակ ամրոցներից մեկն է, 2015 թվականին տեղափոխվել էր իր սկզբնական գտնվելու վայրից, որպեսզի ինժեներները կարողանային վերանորոգել դրա հիմքում գտնվող քարե հիմքը։
Համացանցում տարածված տեսանյութում երևում է, որ խոտածածկ տարածքում երկար ու հաստ պարաններ են փռված: Միջոցառման խորհրդանիշ-կերպարը ձեռքի շարժումով ուղղորդում է մասնակիցներին դեպի իրենց տեղերը։ Այնուհետև հարյուրավոր մարդիկ կանգնում են պարանների մոտ՝ կողք կողքի։ Թմբուկների զարկերի ներքո կամավորները սկսում են միասին քաշել պարանները։ Նրանցից ոմանք կրում են «Հիրոսակի ամրոցի վերադարձը՝ 2026» գրությամբ շապիկներ։
Պաշտոնյաների խոսքով՝ ամրոցը ձեռքով տեղափոխելը հարգանքի տուրք է այն կառուցած վարպետների աշխատանքին։
