«Սա քաղաքական համաձայնություն է, մենք կոմպլեքս չունենք ասելու, որ սա քաղաքական համաձայնություն է»,- այսօր Ազգային ժողովում հայտարարեց ԱԺ ԲՀԿ խմբակցության ղեկավար Նաիրա Զահրաբյանը՝ խոսելով «4+4+4» ֆորմատով քննարկումների արդյունքում ստորագրած համաձայնագրի մասին:
ՀՀ գյուղատնտեսության նախարար Սերգո Կարապետյանի հրամանով անտառների խոտածածկ տարածքներում հրդեհների կանխարգելման, ինչպես նաև անտառային հրդեհների առաջացման հնարավոր ռիսկերը մեղմելու նպատակով հանձնարարվել է «Հայանտառ» ՊՈԱԿ-ի բոլոր մասնաճյուղերին թույլատրել հանրապետության բոլոր գյուղացիական տնտեսություններին անտառների խոտածածկ տարածքներում առանց արգելքի, անվճար իրականացնել խոտհնձի աշխատանքներ:
168.am-ին հաջողվեց կապ հաստատել ԵԱՀԿ-ում Գերմանիայի նախագահության մամլո խոսնակ Հոլգըր Դրայսայքլի հետ, ով նշեց, որ հիմք պետք է ընդունել արդեն իսկ տարածված հաղորդագրությունը: Այցի մասին հավելյալ տեղեկություններ ստանալու համար նա հորդորեց դիմել այցի գերմանացի կազմակերպիչներին, որոնք դեռևս չեն պատասխանում 168.am-ի զանգերին:
Անդրադառնալով Սանկտ Պետերբուրգում տեղի ունեցած եռակողմ հանդիպմանը՝ Ս. Սարգսյանն ասել է. «Մենք պայմանավորվել ենք, որ այդ հանդիպումները՝ եռակողմ ձևաչափով, կլինեն շարունակական և դրանք կգան լրացնելու ԵԱՀԿ Մինսկի խմբի համանախագահների ձևաչափը»:
Արգենտինացի ֆուտբոլիստ Լիոնել Մեսիի հայտարարությունը ցնցեց մարզական աշխարհը: Ամերիկայի գավաթի եզրափակչում պարտվելուց հետո Մեսսին հայտարարել էր, որ այլևս չի կարող շարունակել նույն կերպ և հեռանում է հավաքականից:
Արդեն տեղեկացրել ենք, որ այսօր Ազգային ժողովի դիմաց տեղի ունեցող բողոքի ակցիայի ժամանակ ինչ-որ մեկը պլաստիկե շշով հարվածել էր ԱԺ պատգամավոր Հրանտ Բագրատյանին:
Չնայած սովորաբար տարվա այս սեզոնը համարվում է քաղաքական արձակուրդի ժամանակահատված, այս տարի այդ ավանդույթը խախտվել է: Ակտիվ գործընթացներ են ծավալվում ինչպես՝ ներքաղաքական կյանքում, այնպես էլ՝ արտաքին քաղաքական ասպարեզում: Եվ եթե նախկինում նախընտրական զարգացումների ժամանակ սովորաբար արտաքին գործընթացները երկրորդական պլան էին մղվում, ապա այս անգամ կարծես հակառակն է՝ արտաքին քաղաքական դինամիկ գործընթացները ստվերել են առաջիկա ընտրությունները: Ինչպե՞ս է այս պայմաններում ընտրություններին պատրաստվում ընդդիմությունը, կամ ընդհանրապես պատրաստվո՞ւմ է արդյոք, որո՞նք կլինեն առաջիկա մեկ տարվա՝ խորհրդարանական ընտրություններին ուղեկցող հիմնական օրակարգային հարցերը:
«Հռոմի պապի սկզբունքային դիրքորոշումը և Բունդեսթագի կողմից արտահայտված տեսակետները ճանապարհ կհարթեն այլ ազգերի կողմից Հայոց ցեղասպանության ճանաչման համար»,- ասել է ՀՀ Նախագահ Սերժ Սարգսյանը:
Ծառայողական քննությամբ պարզվել է, որ ՀՀ ոստիկանության ճանապարհային ոստիկանության ճանապարհապարեկային ծառայության 2-րդ սպայական գումարտակի ծառայողներ ոստիկանության մայոր Ա. Ֆարադյանը և նույն դասակի տեսուչ, ոստիկանության կապիտան Գ. Ավագյանը, ըստ սահմանված գրաֆիկի, 2016թ. հունիսի 4-ին, ժամը 8:00-ից 16:00-ն ընկած ժամանակահատվածում, ընդգրկված լինելով ծառայության այլ երթուղում, առանց ղեկավարությանը զեկուցելու, ինքնակամ շեղվել են նշանակված երթուղուց, ինչով խախտել են ՀՀ կառավարության 2006թ. նոյեմբերի 23-ի «Ճանապարհապարեկային ծառայության իրականացման կարգը սահմանելու մասին» որոշման 13-րդ կետի «բ» ենթակետի պահանջները:
ՀՀ ԱԳ նախարար Էդվարդ Նալբանդյանի հրավերով հունիսի 29-30-ը Հայաստան այց կկատարի Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտայնմայերը: ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից տեղեկացնում են, որ Գերմանիայի արտգործնախարարին կընդունի Հանրապետության Նախագահը։
Մոլդովայի նախկին վարչապետ Վլադ Ֆիլատը կոռուպցիայի մեղադրանքով դատապարտվել է 9 տարվա ազատազրկման, հայտնում է BBC-ն:
ԱԺ պատգամավոր Հրանտ Բագրատյանի հետ ոստիկաններ են հանդիպել, որոնց պատգամավորը ներկայացրել է Ազգային ժողովի դիմաց իր և բողոքի ակցիայի մասնակցի միջև արձանագրված միջադեպի մանրամասները: Ազգային ժողովում լրագրողների հետ զրույցում պատգամավորը նշեց, որ ոստիկաններին ներկայացրել է տեղի ունեցածը և հայտնել, որ մարմնական վնասվ ածքներ չի ստացել:
Ինչպես ավելի վաղ տեղեկացրել էինք, Թուրքիայի նախագահ Ռեջեփ Թայիփ Էրդողանը ներողություն է խնդրել Ռուսաստանի նախագահ Վլադիմիր Պուտինից անցած տարվա նոյեմբերին Սիրիայի տարածքում թուրքական ռազմաօդային ուժերի կողմից խոցված ռուսական «Սու-24» ինքնաթիռի կործանման և օդաչուի մահվան համար: Այս մասին լրագրողներին հայտնել էր Ռուսաստանի նախագահի մամուլի քարտուղար Դմիտրի Պեսկովը:
Հայաստանի ազգային արժույթի նկատմամբ ԱՄՆ դոլարի փոխարժեքը հունիսի 27-ին կազմել է 475.94 դրամ: Այն նախորդ օրվա համեմատ նվազել է 0.08 դրամով:
ԵՄ անվտանգության նոր ռազմավարությունը նախատեսում է ՌԴ-ի ներգրավում ընթացիկ խնդիրների քննարկման ժամանակ, գրում է Financial Times թերթը:
Ռումինիայի մայրաքաղաք Բուխարեստում ավարտված ազատ ոճի ըմբշամարտի Հայաստանի երիտասարդական հավաքականը Եվրոպայի առաջնությունից վերադառնում են 2 բրոնզե մեդալով: 74 կգ քաշային կարգում Տիգրան Մնացականյանը և 84 կգ քաշային կարգում Սարգիս Հովսեփյանը դարձել են առաջնության բրոնզե մեդալակիրներ:
«Երբ հունիսի 16-ին «4+4+4» ֆորմատի շրջանակներում ստորագրվեց մի հայտարարություն, որի տակ ստորագրեցին 5 խմբակցությունների ներկայացուցիչներ, կային քաղաքական գործիչներ, որոնք այդ փաստաթուղթը պատմական որակեցին: Ես, ծանոթանալով այդ փաստաթղթի բովանդակությանը, համոզվեցի, որ դա պատմական փաստաթուղթ է, բայց ՀՀ-ն, ՀՀ պետականությունը ծաղրուծանակի ենթարկելու իմաստով»,- այսօր Ազգային ժողովում հայտարարարեց պատգամավոր Նիկոլ Փաշինյանը:
Թուրքիայի նախագահ Ռեջեփ Թայիփ Էրդողանը ներողություն է խնդրել Ռուսաստանի նախագահ Վլադիմիր Պուտինից ռուսական «Սու-24» օդաչուի մահվան համար: Այս մասին, ինչպես տեղեկացնում է TASS-ը, լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը:
ՆԱՏՕ-ի գլխավոր քարտուղար Յենս Ստոլտենբերգը որոշում է կայացրել Ռոուզ Գետեմյուլլերին նշանակել իր նոր տեղակալ, հայտնում է rg.ru-ն:
«Ոչ, կոնսենսուս հանուն փողի չի լինում, կոնսենսուս լինում է՝ հանուն քաղաքական համաձայնության և վստահության: Այն, որ կոնսենսուսը պահանջում է փող, գումար, դա փաստ է: Գումար եթե չեղավ, ուրեմն այդ համաձայնագիրն առոչինչ է: Այդ դեպքում կգործի այս ԸՕ-ն, ճիշտ է, որոշակի բարելավումներով, որ այսօր առաջարկում ենք»,- այսօր ԱԺ-ում լրագրողների հետ զրույցում հայտարարեց կառավարության աշխատակազմի ղեկավար-նախարար Դավիթ Հարությունյանը` խոսելով Ընտրական օրենսգրքի շուրջ ձեռք բերված կոնսենսուսի ու միջազգային դոնորների կողմից սպասվող գումարների մասին:
Հորդառատ անձրևներից առաջացած սողանքավտանգ իրավիճակի և Թերեք գետի վարարման պատճառով հունիսի 23-ից փակվել է Ստեփանծմինդա-Լարս ավտոճանապարհը։
ԵԱՀԿ գործող նախագահ, Գերմանիայի ԱԳՆ ղեկավար Ֆրանկ-Վալտեր Շտայնմայերը հունիսի 30-ին կայցելի Ադրբեջան: Այս մասին հայտնում է APA գործակալությունը՝ հղում կատարելով դիվանագիտական աղբյուրներին:
ՀՀ պաշտպանության նախկին նախարար Վաղարշակ Հարությունյանի կարծիքով՝ Հայաստանը գտնվում է Թուրքիայի ու Ադրբեջանի հետ պատերազմական իրավիճակում: Այսօրվա քննարկմանը նա նշեց, որ շատերն այլ տեսանկյունից են նայում ու այլ գնահատականներն են տալիս հայ-թուրքական հարաբերություններին, ինչը, ըստ նրա՝ սխալ է. «Հիմնական սպառնալիքն ու այն քաղաքականությունը, որ վարում է Ադրբեջանը, ստեղծվում է ոչ թե Բաքվում, այլ Ստամբուլում: Չկա ադրբեջանական բանակ, կա թուրքական բանակ, որը գործում է Թուրքիայի հրամանով»:
Վրաստանի պաշտպանության նախարարի տեղակալ Աննա Դոլիձեն հեռացել է իր պաշտոնից:
Վրաստանի պաշտպանության նախարար Թինաթին Խիդաշելին հայտարարել է, որ երկիրը ներկայում միջոցներ չունի ռազմածովային ուժերի ստեղծման համար: Այս մասին հայտնում է «Գրուզիա օնլայնը»:
«Ցեղակրոն» կուսակցության ղեկավար Շանթ Հարությունյանի որդու՝ Շահեն Հարությունյանի վերնաշապիկի տակ իրականում պաստառ է թաքցված եղել, երբ Գյումրիի Վարդանանց հրապարակում Հռոմի պապի կողմից Սուրբ պատարագ մատուցելուց առաջ նրան բերման են ենթարկել, բայց դա ոստիկանները նկատել են միայն բերման ենթարկելուց հետո։
Առաջին քրիստոնյա երկիր` Հայաստան կատարած պատմական այցից հետո Հռոմի Ֆրանցիսկոս Պապը նախքան Վատիկան վերադառնալը այցելել է Սանտա Մարիա Մաջորե բազիլիկը` աղոթելով Տիրամոր սրբապատկերի առաջ:
Հունիսի 27-ին, ժամը 13.09-ին ահազանգ է ստացվել, որ Երևանի Ա. Խաչատրյան փողոցի թիվ 26/1 շենքի 1-ին մուտքի վերելակում քաղաքացի է արգելափակվել (ունի վատ ինքնազգացողություն). անհրաժեշտ է փրկարարների օգնություը:
Ազգային ժողովի մոտ պատգամավոր Հրանտ Բագրատյանի հետ վիճաբանության արդյունքում մեկ անձ բերման է ենթարկվել: «Մեկ անձ բերման է ենթարկվե լ մարմնական վնասվածք հասցնելու կասկածանքով»,- այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից:
«Մեզ հաջողվեց ձեզ հետ միասին ստեղծել 5 գիտական կենտրոններ, որտեղ ընդգրկվեցին նաև այլ գերատեսչությունների կազմում գտնվող կարևոր ինստիտուտներ: …Հաջորդ հարցը տնօրենների սերնդափոխությունն էր, և մենք ունեցանք տնօրենների մի սերունդ, որ փայլուն դրսևորեց իրեն, և այսօր գիտության դրական միտումը պայմանավորված է այդ տնօրենների նվիրված աշխատանքով ևս»:
