ԵՄ անվտանգության նոր ռազմավարությունը նախատեսում է ՌԴ-ի հետ համագործակցություն. FT
ԵՄ անվտանգության նոր ռազմավարությունը նախատեսում է ՌԴ-ի ներգրավում ընթացիկ խնդիրների քննարկման ժամանակ, գրում է Financial Times թերթը:
Փաստաթղթի նախագիծը վկայում է Brexit-ից հետո Ռուսաստանի հետ հարաբերությունների աստիճանական կարգավորման մասին: Դրանում ասվում է, որ «ԵՄ-ն ու Ռուսաստանը փոխկապակցված են», թեև նշվում է միասնական և համակարգված պատասխան» տալու անհրաժեշտության մասին Մոսկվայի կողմից «ռազմավարական մարտահրավերին», նշում է թերթը:
«Մենք կներգրավենք Ռուսաստանին տարաձայնությունների քննարկման մեջ և կհամագործակցենք, եթե մեր շահերը համընկնեն»,- թերթը մեջբերում է հատված փաստաթղթից:
2003 թվականից հետո ԵՄ անվտանգության առաջին ռազմավարությունը ուղղված է ԵՄ անդամ երկրների սերտ համագործակցությանը պաշտպանության ոլորտում, որը մասնավորապես նախատեսում է միջազգային կենտրոնակայանի ստեղծում «գոյության ճգնաժամի» ժամանակ:
