ՆԱՏՕ-ի գլխավոր քարտուղարը նոր տեղակալ ունի
ՆԱՏՕ-ի գլխավոր քարտուղար Յենս Ստոլտենբերգը որոշում է կայացրել Ռոուզ Գետեմյուլլերին նշանակել իր նոր տեղակալ, հայտնում է rg.ru-ն:
Այս պաշտոնում նա փոխարինելու է Ալեքսանդր Վերշբոուին:
«Ես ուրախ եմ Գետեմյուլլերին նշանակել ՆԱՏՕ-ի գլխավոր քարտուղարի տեղակալ: Նա հարուստ փորձ ունի միջազգային անվտանգության ոլորտում»,- գրել է Ստոլտենբերգը Twitter-ի իր միկրոբլոգում:
ՆԱՏՕ-ի պաշտոնական ներկայացուցիչ Օանա Լունգեսկուն իր հերթին հայտնել է, որ Գետեմյուլլերը իր նոր պարտականությունների կատարմանը կանցնի այս տարվա հոկտեմբերին:
Մինչ ՆԱՏՕ-ում նշանակումը նա զբաղեցնում էր ԱՄՆ պետքարտուղարի՝ սպառազինությունների և միջազգային անվտանգության հարցերով տեղակալի պաշտոնը:
