Ապրիլի 20-ին ժամը 16․00-ին համաձայն Կարմիր խաչի միջազգային կոմիտեի և ԵԱՀԿ գործող նախագահի անձնական ներկայացուցչի գրասենյակի միջնորդությամբ Լեռնային Ղարաբաղի Հանրապետության և Ադրբեջանի միջև ձեռք բերված պայմանավորվածությանը, Բաշ Քարվենդ բնակավայրի մոտակայքում ադրբեջանական կողմը ԼՂՀ-ին է հանձնել զոհված զինծառայողի մարմինը։
«Ամեն վայրկյան սպասում էինք, որ պետք է մահանանք». Թալիշցի Խալափյանները հրաշքով են փրկվել:
Նյու Յորքի փրայմերիզում Դեմոկրատական կուսակցությունը ներկայացնող Հիլարի Քլինթոնը առաջ է անցել սենատոր Բեռնի Սանդերսից, ով նրա՝ Դեմոկրատական կուսակցությունից մրցակիցն էր ԱՄՆ նախագահական ընտրություններում, հայտնում է BBC-ն:
Լեռնային Ղարաբաղի հակամարտությունը տարածաշրջանի գլխավոր հարցերից է, որը գրավում է Իրանի ուշադրությունը: Այդ տարածաշրջանում բավարար տորբուլենտություն ու պատերազմներ են, այդ պատճառով պետք է թույլ չտանք, որպեսզի նոր պատերազմ ծագի:
Դիմում ենք միջազգային գիտական հանրությանը՝ ակնկալելով նրա աջակցությունը Լեռնային Ղարաբաղի Հանրապետության անկախության ճանաչման գործում։
Արաբական Միացյալ Էմիրությունների Դուբայ քաղաքում ավարտվել է ավանդական «Dubai Open» շախմատային մրցաշարը, որին Հայաստանից մասնակցում էին երեք գրոսմայստերներ` Վլադիմիր Հակոբյանը, Գաբրիել Սարգսյանը, Զավեն Անդրեասյանը և միջազգային վարպետ Լիլիթ Գալոյանը: Մրցաշարի վերջին` 9-րդ տուրում գրանցված արդյունքներից հետո «Dubai Open»-ում երկրորդ տեղն է զբաղեցրել Վլադիմիր Հակոբյանը, ով վաստակել է 7.5 միավոր:
Նյու Յորքի Հարավային օկրուգի դատախազությունը հետաքննություն է սկսել լրագրողական հետաքննության փաստի առնչությամբ, որը հիմնված է պանամական փաստաթղթերի վրա:
«Նոր Հայաստան» հանրային փրկության ճակատը խոնարհվում է Արցախի տարածքային անձեռնխելիությունը անձնազոհաբար պաշտպանած Հայկական բանակի սպաների ու զինվորների առաջ, ինչպես նաև ողջունում է բոլոր այն սպաներին ու զինվորներին, ովքեր այսուհետ ևս պատրաստ են պաշտպանելու մեր միացյալ Հայրենիքի սահմանները:
«Ինչո՞ւ մենք չունենք բավարար չափով պրոֆեսիոնալ դիվանագիտական միտք, որ կարողանանք մեզ համար այսքան նպաստավոր այս իրավիճակում մեր շահերից բխող հետևությունների գալ: Թո՛ղ Սփյուռքի համաշխարհային մակարդակի փորձված դիվանագիտական ներուժի օգնությանը դիմեն, թո՛ղ խորհրդակցություններ հրավիրեն ճիշտ այնպես, ինչպես Կոմանդոսը փորձեց միավորել նույն այդ Սփյուռքի ռազմական ներուժը, որը կարծես ստացվում է: Հիմա շատ հարմար պահ է, որպեսզի հենց դիվանագիտական հարթակում Արցախյան հարցի հաղթական լուծման բանալին գտնվի»,- կարծում է Հաղթանակ Շահումյանը:
Երևանի ավագանու «Բարև, Երևան» խմբակցության և «Ժառանգություն» կուսակցության անդամ Անահիտ Բախշյանն անդրադարձ կատարեց Պաշտպանության նախարարի վերջերս արած այն պարզաբանմանը, թե ինչո՞ւ սահմանի առաջնագծում սոցիալապես ապահով ընտանիքի զավակներ չկան:
Խոսելով ՀԱՊԿ անդամ երկրների միջև արտաքին քաղաքականության համադրման մասին՝ նախարար Նալբանդյանը առանձնահատուկ ընդգծեց ղարաբաղյան հիմնախնդրի բացառապես խաղաղ կարգավորմանն ուղղված՝ ԵԱՀԿ Մինսկի խմբի համանախագահների ջանքերին աջակցության կարևորությունը, ինչն ամրագրված է նաև ՀԱՊԿ գագաթաժողովների և ԱԳ նախարարների խորհուրդների կողմից ընդունված փաստաթղթերում։
Միջազգային իրավապաշտպան «Լրագրողներ առանց սահմանների» կազմակերպությունը հայտարարել է, որ անցած տարի խոսքի ազատության նկատմամբ հարձակումներ են տեղի ունեցել ողջ աշխարհում:
«Որևէ հակամարտություն չի կարող լուծվել առանց երկխոսության»,- գրել է ԵԽ ԽՎ նախագահը` «Թվիթեր»-ի իր միկրոբլոգում հրապարակելով ԵԽ ԽՎ-ում ՀՀ պատվիրակության ղեկավար Հերմինե Նաղդալյանի հետ լուսանկար:
ԼՂՀ ԱԺ նախագահ Աշոտ Ղուլյանն ապրիլի 20-ին շնորհակալական նամակ է ուղարկել Բասկերի Երկրի խորհրդարանի նախագահ Բակարտչո Տեխերիա Օտերմինին՝ ապրիլի 2-ին Լեռնային Ղարաբաղի Հանրապետության դեմ Ադրբեջանի սանձազերծած լայնածավալ ռազմական գործողությունների վերաբերյալ ապրիլի 14-ին միաձայն ընդունված հռչակագրի առթիվ: Այս մասին տեղեկացրին ԼՂՀ Ազգային ժողովի մամուլի ծառայությունից:
ՀՀ վարչապետ Հովիկ Աբրահամյանը ճիշտ է համարում Մոսկվայում կայացած Եվրասիական միջկառավարական խորհրդի նիստին մասնակցելու որոշումը: «Երկրի վարչապետը պետք է զգացմունքներով որոշում չկայացնի, մենք պետք է մտածենք մեր պետության շահերից ելնելով»,- լրագրողների հետ զրույցում նշեց ՀՀ վարչապետը: Կառավարության ղեկավարի խոսքով՝ Ռուսաստանի վարչապետ Դմիտրի Մեդվեդևը Հայաստան այցի ժամանակ խնդրել է իրեն, որպեսզի մասնակցի նիստին:
«Ռոմայի» ավագ Ֆրանչեսկո Տոտտին, ամենայն հավանականությամբ, կարիերան կշարունակի MLS-ում:
Ռուսական ռազմակայանում նախապատրաստական շրջանի ընթացքում շուրջ 5 տոննա հատուկ բազմագործառական քսուքների, յուղերի եւ տեխնիկական հեղուկների օգտագործմամբ կանցկացվեն ռազմական տեխնիկայի սպասարկման 50-ից ավելի գործողություններ: Սպասարկման Է ենթակա ավելի քան հազար միավոր ռազմական տեխնիկա:
ԱԺ ՀԱԿ խմբակցության քարտուղար Արամ Մանուկյանն էլ նշեց, որ իրենք իշխանություններին գրած իրենց առաջարկությունների մեջ իշխանությունների ուզածն են գրել. «Որ եթե դուք գալիս եք համաձայնության ցուցակները հրապարակելու, նկարահանման սարքերը ներդնելու, այդ դեպքում մենք համաձայն ենք նաև ստորագրել ձեր՝ էլեկտրոնային գրանցման համակարգը՝ որպես տեխնիկական միջոց ներառելու տակ, բոլոր տեխնիկական միջոցները, որ առաջարկում ենք մենք և իշխանությունը, միասնականացնենք, դիմենք դոնոր կազմակերպություններին միասնական ստորագրությամբ»:
Ոչ միայն տարածաշրջանում ու նրանից դուրս ժայթքած միակողմանի ճանաչման նախադեպերի, այլ նաև Ռուսաստանի կողմից սարսափեցման ու քաջալերման նման մանիպուլյացիաների արդյունքում Մոսկվայից Ադրբեջանի անչափ մեծացած վախերն ու կախվածությունը հնարավորություն էին ընձեռում կարճաժամկետ կտրվածքով իրականացնել Արևմուտքի նախագծած հերթական էներգետիկ նախագիծը՝ Նաբուկոն տապալելու մասնակի խնդիրը, իսկ ավելի երկարաժամկետ կտրվածքով՝ ատլանտյան ստրատեգիաները դուրս մղելու ռազմավարական խնդիրը:
«Այն մարդիկ, ովքեր ապօրինի ճանապարհով են հարստացել, իշխանությունը, պատկան մարմինները կհետևեն այդ գործընթացներին, խնդրին կտան լուծում»:
Եվրահանձնաժողովի նախագահ Ժան-Կլոդ Յունկերը հանդես է եկել նախազգուշացմամբ, որ եվրոպական կառույցների չափից շատ միջամտությունը մարդկանց մանավոր կյանքին, խաթարում է միության աջակցությունը:
«Հայաստանի կառավարությունը որևէ առաջարկ, հայտարարություն չի արել, որ գումարներ հավաքագրվեն սպառազինության համար: Մենք ունենք այդ գումարները, գործընթացն առաջ է գնում, շուտով այն ամենը, ինչ պլանավորել ենք ձեռք բերել, ձեռք կբերենք: Որևէ խնդիր չեմ տեսնում»,- ասաց Հովիկ Աբրահամյանը:
Արցախի Հանրապետության Նախագահ Բակո Սահակյանը եւ Հայաստանի Հանրապետության Նախագահ Սերժ Սարգսյանն ապրիլի 19-ին եւ 20-ին այցելել են ԼՂՀ հյուսիսարեւելյան եւ հարավային հատվածներում տեղակայված մի շարք զորամասեր եւ անցկացրել խորհրդակցություն հրամանատարական կազմի հետ:
Ապրիլի 21-ին, 23-25-ը սպասվում է առանց տեղումների եղանակ: Ապրիլի 22-ի գիշերը հյուսիսային շրջաններում, ցերեկը շրջանների մեծ մասում սպասվում է կարճատև անձրև և ամպրոպ:
ԵԱՀԿ երևանյան գրասենյակի նորանշանակ ղեկավարը վստահեցրել է, որ իր պաշտոնավարման ընթացքում կանի հնարավորը՝ արդեն ձևավորված բարձր մակարդակի համագործակցությունն առավել զարգացնելու և խորացնելու համար: Արգո Ավակովը նշել է, որ ԵԱՀԿ երևանյան գրասենյակը կշարունակի իր ակտիվ համագործակցությունը ՀՀ իշխանությունների հետ՝ Հայաստանում իրականացվող բարեփոխումներն արդյունավետ կյանքի կոչելու համար:
Բրյուսելում մեկնարկել է 2 տարվա մեջ առաջին անգամ անցկացվող Ռուսաստան-ՆԱՏՕ խորհրդի նիստը, որն հրավիրվել է դեսպանների մակարդակով։ Այս մասին հայտնում է RIA Novosti-ն:
Հաշվի առնելով Սերգեյ Լավրովի հետ սպասվող հանդիպումը, խնդրում ենք Ձեզ Արցախի սահմագծում ստեղծված իրավիճակին զուգահեռ բարձրացնել նաև Լևոն Հայրապետյանի պատժի տեսակը փոխելու խնդիրը՝ հաշվի առնելով նրա՝ օրեցօր վատթարացող առողջական վիճակը»,- ասվում է բաց նամակում, որի հեղինակները լիահույս են, որ իրենց խնդրանքը արձագանք կստանա:
Sputnik-Թուրքիայի գլխավոր խմբագիր Թուրալ Քերիմովը RIA Novosti-ին հայտնել է, որ թուրքական իշխանություններն արգելել են իր մուտքը Թուրքիա և զրկել հավատարմագրումից:
Շուրջ հինգ ամիս է՝ սկսվել են «Կռիվ և կյանք» աշխատանքային վերնագրով երկմասանի ֆիլմի նկարահանումները: Ֆիլմը մարդկային արժեքների, ընկերության, սիրո և հայրենասիրության մասին է:
Էդվարդ Նալբանդյանն ու Կո Պո Կունը մտքեր փոխանակեցին Սինգապուրի և ԵԱՏՄ անդամ երկրների միջև առևտրատնտեսական հարաբերությունների զարգացման հնարավորությունների շուրջ։
