ՀՀ կենտրոնական բանկի խորհուրդը մարտի 15-ի նիստում, որը վարել է ԿԲ նախագահ Արթուր Ջավադյանը, հաստատել է «ՀՀ դրամանիշերի վճարունակության, հնամաշության հատկանիշները, ՀՀ տարածքում գործող բանկերում կանխիկ դրամով կատարվող գործառնությունները» կանոնակարգ 9-ը:
«Մենք իսկապես լավ սկսեցինք խաղը և գոլ խփելու 2 գերազանց շանս ունեինք: Մեկնարկային 20 րոպեներից հետո «Լեսթերը» սկսեց սեղմել մեզ: Նրանք խփեցին մեզ և անցան իրենց սիրած հակահարձակողական ոճին»:
Հանրապետական կուսակցությունից նախագահական ընտրարշավի ֆավորիտ Դոնալդ Թրամփը ներգաղթյալներին համեմատել է թունավոր օձերի հետ: Այդ մասին գրել է The Telegraph թերթը:
Աշխարհում առավել ազդեցիկ միլենիալների (20-ից մինչեւ 35 տարեկան երիտասարդների) վարկանիշը, որը կազմվել է բրիտանական The Guardian հրատարակության կողմից, գլխավորել է ԿԺԴՀ-ի 33-ամյա ղեկավար Կիմ Չեն Ընը: Համապատասխան թոփ-թերթիկը թերթը հրապարակել է 2016 թվականի մարտի 15-ին:
ԱԺ «Ժառանգություն» խմբակցության պատգամավոր Զարուհի Փոստանջյանը տարօրինակ չի համարում վերջերս ստեղծվող նոր կուսակցությունների փաստը: 168.am-ի և Aravot.am-ի հետ զրույցում նա ասաց, որ քաղաքական դաշտը պետք է վերափոխվի, և սերնդափոխության ու անվանափոխության խնդիր կա. «Այն հին անվանումների տակ և հին ծրագրերի ներքո իրենք մրցունակ չեն, հետևաբար՝ նորերը պետք է ի հայտ գան, և դա բնական է»:
Լեռնային Ղարաբաղի հակամարտության կարգավորումը ձգձգվում է բացառապես Ադրբեջանի ապակառուցողական, որոշ դեպքերում նաև հանցագործ քաղաքականության արդյունքում: Այս մասին Ազգային ժողովում հայտարարությունների ժամին ասաց ԱԺ փոխնախագահ Էդուարդ Շարմազանովը՝ արձագանքելով Ադրբեջանի վարչապետ Արթուր Ռասիզադեի այն հայտարարությանը, թե ԼՂ հակամարտության կարգավորումը ձգձգվում է Հայաստանի պատճառով:
Ոստիկանության Երևան քաղաքի վարչության և Արաբկիրի բաժնի ծառայողները, թմրանյութ ձեռք բերելու և պահելու կասկածանքով, Երևանի Հր. Քոչարի և Վ. Վաղարշյան փողոցների խաչմերուկից բերման են ենթարկել 1973 թ. ծնված Վահե Տ.-ին, 1972 թ. ծնված Արման Ե.-ին և 1967 թ. ծնված Աղաս Գ.-ին` իր վարած «Օպել» մակնիշի ավտոմեքենայով
Ժամանակին բազմահազար բնակչություն ունեցող, Բագրատունիների արքայատոհմի իշխանության ներքո մշակութային և տարածաշրջանային հզոր կենտրոն դարձած Անին այսօր վերածվել է ուրվականների լքված քաղաքի: Երբ քայլում ես ավերակների կողքով, միակ ձայնը, որ կարող ես լսել, Հայաստանի ու Թուրքիայի սահմանը դարձած ձորից եկող քամին է: Այս մասին գրում է BBC-ն «Կայրսություն, որն աշխարհը մոռացել է» խորագիրը կրող հոդվածում:
Թուրքիան ու Ադրբեջանը միշտ աջակցում են միմյանց միջազգային հարթակում: Թուրքիայի դերն աշխարհում մեծանում է: Մեզ ուրախացնում է աշխարհի համակրանքը ու վստահության ավելացումը Թուրքիայի նկատմամբ: Ինչպես հաղորդում է APA գործակալությունը, այս մասին այսօր Անկարայում՝ Թուրք-ադրբեջանական բարձր մակարդակի ռազմավարական համագործակցության 5-րդ խորհրդի արդյունքներով հրավիրված մամուլի ասուլիսի ժամանակ, հայտարարել է Ադրբեջանի նախագահ Իլհամ Ալիևը:
Վրաստանի խորհրդարանի բյուրոն գրանցել է Սահմանադրության փոփոխությունները, որոնք բացատրում են ամուսնության հասկացությունը՝ որպես միություն միայն կնոջ ու տղամարդու միջև, հայտնում է «Գրուզիա օնլայնը»:
«Վենետիկի հանձնախմբի, ԺՄԻԳ-ի ներկայացուցիչների հետ մենք քննարկեցինք Ընտրական օրենսգրքի մեր առաջարկությունները»,- այսօր Ազգային ժողովում լրագրողների հետ զրույցի ժամանակ այս մասին ասաց ՀՅԴ խմբակցության քարտուղար Աղվան Վարդանյանը՝ Վենետիկի հանձնաժողովի հետ ՀՅԴ ներկայացուցիչների հանդիպումից հետո:
«IBM նորարարական լուծումների և տեխնոլոգիաների կենտրոնն աշխատում է արդեն 3 հիմնական ուղղություններով: Առաջինը բուհական միջավայրում և՛ IT ոլորտում, և՛ քիմիայի, ֆիզիկայի, բիոլոգիայի ոլորտներում, նոր որակական փոփոխություններ բերելն է: Նոր դասընթացներ, նոր դասեր, նոր վերապատրաստված դասախոսներ… Դասախոս, որը ոչ միայն կրթում է, այլև հետազոտում է»:
Ադրբեջանական APA գործակալության հաղորդմամբ՝ այսօր Անկարայում կայացած Թուրք-ադրբեջանական բարձր մակարդակի ռազմավարական համագործակցության 5-րդ խորհրդի արդյունքներով, որը նախագահել էին Ադրբեջանի նախագահ Իլհամ Ալիևը և Թուրքիայի նախագահ Ռեջեփ Թայիփ Էրդողանը, երկու երկրների միջև ստորագրվել է 6 փաստաթուղթ։ Ստորագրվել է նաև նիստի հռչակագիր։
ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում ավարտվել է քաղաքացիների կենսաթոշակների և նպաստների գումարներից առանձնապես խոշոր չափերի յուրացում կատարելու դեպքի առթիվ հարուցված քրեական գործի նախաքննությունը: Քննությամբ ձեռք բերված ապացույցների հիման վրա՝ մեղադրանք է առաջադրվել Հայփոստ» ՓԲԸ-ի փոստային բաժանմունքի օպերատոր Ա.Գրիգորյանին։
. «Բավական երկար ժամանակ է` ինչ ես քաղաքականության մեջ եմ, և ինձ այլևս որևէ բան չի զարմացնում: Եթե կհիշեք, ես իմ ելույթներից մեկում ասել եմ, որ ցինիզմի աստիճանն այնքան է բարձրացել, որ չեմ զարմանա, եթե Ռոբերտ Քոչարյանը Մարտի 1-ին ցույց անի՝ պահանջելով բացահայտել գործը»:
«Քրդական աշխատավորական» (PKK) կուսակցության բարձրաստիճան անդամներից Ջեմիլ Բայիքը հայտարարել է, որ իրենք պատրաստվում են ամռանը վճռական պատասխան տալ Անկարային՝ երկրի հարավարևելյան շրջաններում քրդերի դիրքերին հասցված ավիահարվածների պատճառով: Այս մասին գրում է The Times-ը:
Նրանք, ովքեր ահաբեկչությունն օգտագործում են որպես Թուրքիայի վրա ազդելու միջոց, չեն կարող ստիպել Թուրքիային ծնկի իջնել, նրանք իրենք ծնկի կիջնեն:
Մարտի 15-ին ոստիկանության պետ Վլադիմիր Գասպարյանը աշխատանքային խորհրդակցություն անցկացրեց համակարգի օպերատիվ ծառայությունների անձնակազմերի հետ:
«Երբ Հայաստանը զորակցում է ռուսական գործողություններին, դրանք ոչ միայն ռադիկալ ուժերի դեմ են, այլև Թուրքիայի կողմից ֆինանսավորվող, ուստի, բնականաբար, Հայաստանը դեմ պետք է լինի այդ քաղաքականությանը»:
Ընտրական օրենսգիրքը մշակվել է իշխող քաղաքական ուժի վերարտադրության համար: Այսօր Աժ նիստում հայտարարությունների ժամին նման տեսակետ հայտնեց ՀԱԿ խմբակցության պատգամավոր Ստեփան Դեմիրճյանը:
Մարտի 14-ին, ժամը 00.05-ին, հիվանդանոցից ոստիկանության Մալաթիայի բաժնում հաղորդում է ստացվել, որ գլխի պատռված վերքով Երևանի Հովնաթանի փողոցի տներից մեկից իրենց մոտ է տեղափոխվել 1983 թ. ծնված Արթուր Ս.-ն, ով հայտնել է, որ վնասվածքը ստացել է քարով գլխին հարված ստանալու հետևանքով:
Հայաստանի իշխանությունները վերջերս բազմաթիվ հայտարարություններ են արել Ընտրական օրենսգրքի շուրջ ընդիմության հետ համագործակցելու մասին, սակայն գործնական քայլեր չեն արվել: Այս մասին այսօր Աժ նիստում հայտարարությունների ժամին ասաց ՀԱԿ խմբակցության ղեկավար Լևոն Զուրաբյանը՝ կարևորելով, որ փաստաթուղթը լինի փոխհամաձայնեցված:
Ըստ նրա, Վարդանյանի խոհափիլիսոփայական մտքերից հաջորդ գոհարն էր՝ Ցեղասպանության «200-ամյակը մենք կնշենք շատ ավելի բարձր մակարդակով», այն է, երևի թե «կտոնենք շատ ավելի բարձր մակարդակով»: Ն.Զոհրաբյանի կարծիքով՝ այս ամենից լրջագույն հետևություններ չարվեցին, ԱԳՆ-ն լռում է, իսկ լռությունը ևս պատասխան է: Սակայն, ըստ նրա, չի կարելի լռել, երբ մի դեսպանն իր հավատարմագիրը նոտարում է վավերացնում, մեկ ուրիշը՝ ընդհանրապես գնում է և նրա անձի հետ կապված սկանդալային տեղեկատվություն է ստացվում, որ զբաղվում է բիզնեսով:
«Ելնելով այս կարևորությունից և արձանագրելով այն, որ երբեք Հայաստանում այսքան կոնսոլիդացիա չի եղել, այս օրենքի իրավիճակը բարելավելու համար մենք այս պատմական շանսը եթե բաց թողեցինք, ուրեմն՝ մեղավորը մենք ենք»:
Բեռլինի ոստիկանությունը հայտարարել է, որ ավտոմեքենայի պայթյունը, որի հետևանքով զոհվել էր մեկ մարդ, ահաբեկչական ակտ չէ, հայտնում է Reuters-ը:
«Վարկերը բեռ են գյուղացիների համար, մենք պետք է գործուն միջոցներ ձեռնարկենք նրանց վիճակը թեթևացնելու համար»,- այսօր ԱԺ նիստում հայտարարությունների ժամին ասաց ԲՀԿ-ական պատգամավոր Միքայել Մելքումյանը: Նա նշեց, որ 1.4 մլն վարկեր կան, որից 150 հազարը գյուղացիական վարկեր են, որոնք պետությունը պետք է կարողանա գույքագրել՝ հասկանալու համար դրանք իրենցից ին՞չ են ներկայացնում, տույժ ու տուգանքները հիմնավո՞ր են, թե՞ պետության ստեղծած միջավայրն է նման իրաավիճակի պատճառ հանդիսացել:
Երկու տարուց նշելու ենք մեր ժողովրդի արժանապատվության՝ Սարդարապատի հերոսամարտի հաղթանակի ու Հայաստանի առաջին հանրապետության հռչակման 100-ամյակը, որոնց պետք է նախապատրաստվել արժանապատվորեն և ազգովի: Յուրաքանչյուր հայի համար թանկ ու միակ մեր պետության անկախությունը բարձրագույն արժեք է, որին իրենց կյանքն են նվիրաբերել բազմաթիվ հայորդիներ և համոզված եմ՝ անհրաժեշտության դեպքում էլի են զոհաբերելու:
«Մենք ֆիզիկական անձանց չենք տուգանում, մենք տուգանում ենք տնտեսվարող սուբյեկտներին, կոնկրետացրեք՝ որ տնտեսվարողին նկատի ունեք»,- այսօր Ազգային ժողովում լրագրողների հետ զրույցի ժամանակ այս մասին ասաց ՏՄՊՊՀ նախագահ Արտակ Շաբոյանը՝ արձագանքելով հարցին, թե մտահոգիչ չի՞ համարում, որ Սամվել Ալեքսանյանը հայտարարում է, որ «խախտումներ անում ենք, բայց աշխաատեղ ենք ստեղծում»:
ԼՂՀ Նախագահ Բակո Սահակյանը մի շարք օրենքներ է ստորագրել:
Նախորդ տարվանից «Թեքնոլոջի ընդ Սայնս Դայնամիքս»-ը սկսել է «Արմթաբ» պլանշետները ներդնել նաև Հայաստանի դպրոցներում: 2015 թվականի ընթացքում արդեն իսկ դպրոցներին է տրամադրվել 700 պլանշետ. այս տարի ևս ծրագիրը կշարունակվի: Տեղեկացվել է, որ ընկերության արտադրանքն իրացվում է և Հայաստանում, և արտերկրում:
