Վրաստանի խորհրդարանում գրանցվել են ամուսնության հասկացության օրենսդրական փոփոխությունները
Վրաստանի խորհրդարանի բյուրոն գրանցել է Սահմանադրության փոփոխությունները, որոնք բացատրում են ամուսնության հասկացությունը՝ որպես միություն միայն կնոջ ու տղամարդու միջև, հայտնում է «Գրուզիա օնլայնը»:
Թեման արդիական էր դարձել հունվարի վերջին՝ այն բանից հետո, որբ ԼԳԲՏ-շարժման ակտիվիստ, փաստաբան Գեորգի Տատիշվիլին հայց էր ներկայացրել Վրաստանի Սահմանադրական դատարան՝ պահանջելով օրինականացնել միասեռ ամուսնությունները երկրում: Նա իր պահանջը հիմնավորել էր նրանով, որ Սահմանադրությունում ասված չէ այն մասին, որ դա միություն է միայն տղամարդու ու կնոջ միջև, սակայն դա նշված էր Քաղաքացիական օրենսգրքում:
Սահմանադրությունում փոփոխության ընդունման համար հարկավոր է, որ դրանց օգտին քվեարկի խորհրդարանի պատգամավորների ¾-ը:
Օրինագծի հեղինակներն են Վրաստանի իշխող կոալիցիայի 4 խմբակցությունները:
