ԱՄՆ-ը Ուկրաինային կհատկացնի 2 միլիարդ դոլարի ֆինանսական երաշխիք. Բայդեն
Ուկրաինական UNIAN լրատվական գործակալության փոխանցմամբ՝ ԱՄՆ-ի կառավարությունն ավելի վաղ Ուկրաինային ֆինանսական օգնություն ցուցաբերելու խոստումների շրջանակներում պլանավորում է առաջիկա օրերին Ուկրաինային տրամադրել 1 միլիարդ դոլարի պետական երաշխիք:
Այս մասին հայտարարել է ԱՄՆ փոխնախագահ Ջոզեֆ Բայդենը: Նրա խոսքերով՝ ԱՄՆ-ը մինչև տարեվերջ կտրամադրի ևս մեկ միլիարդ դոլար, եթե Ուկրաինան շարունակի բարեփոխումներ իրականացնել: Բայդենը հիշեցրել է, որ ԱՄՆ-ը Ուկրաինային հատկացնում է նաև հումանիտար օգնություն, որի ծավալը հասել է 450 միլիոն դոլարի:
Նախորդ տարի ԱՄՆ-ը Ուկրաինային տրամադրել է 1 միլիարդ դոլարի ֆինանսական երաշխիք:
