Իմացեք ձեր բնավորությունը մատների երկարության միջոցով
Cluber.com.ua կայքը գրում է, որ մատների երկարության միջոցով կարելի է իմանալ մանրամասներ մարդու բնավորության մասին:
1. Եթե մատնեմատը երկար է ցուցամատից: Կարելի է ասել, որ այսպիսի մարդիկ վճռական են, համարձակ, հաճախ են ռիսկի դիմում: Նրանք բավական խելացի են, ունեն տրամաբանական մտածողություն, դատողություններ: Նրանք բավական հեշտ են լուծում խաչբառերը, արագ լուծում են տրամաբանական խնդիրներ: Աղջիկները պետք է ուշադրություն դարձնեն մատների երկարությանը, ինչպես նաև մատնեմատին մատանու առկայությանը: Եթե այդ մատին մատանի չկա, ապա դուք հնարավորություն ունեք ձեր կյանքը կապել մարդու հետ, ով հաջողակ է:
2. Մատնեմատը կարճ է ցուցամատից: Այսպիսի մարդիկ հաճախ մեծամիտ են: Նրանք ինքնաբավ են և կարող են վայելել իրենց մենակությունը: Նրանք չեն սիրում, երբ իրենց անհանգստացնում են: Հաճախ այսպիսի մարդիկ առաջինն առարկություն չեն անում: Սա վերաբերում է ինչպես՝ անձնական հարաբերություններին, այնպես էլ՝ բիզնեսին: Չնայած սրան՝ նրանք գնահատում են ուշադրությունը և լավ են ընդունում կոմպլիմենտներն ու գովքը:
3. Մատնեմատն ու ցուցամատը նույն երկարությունն ունեն: Այսպիսի մարդիկ շատ բարի են և խաղաղասեր: Նրանք տանել չեն կարողանում կոնֆլիկտային իրադրությունները և ամեն կերպ փորձում են խուսափել դրանցից: Նրանք սիրում են կարգ ու կանոն և կյանքում շատ կազմակերպված են: Նրանք սովորաբար ընդհանուր լեզու են գտնում բոլորի հետ, շփվող են: Նրանք շատ նվիրված են հարաբերություններում, ինչպես նաև իրենց աշխատանքին, ընկերներին:
Թարգմանությունը 168.am-ի
