Արաբ օպերատորին թույլ են տվել իր նամազը կատարել Էջմիածնում
Երեկ հետաքրքիր դեպք է տեղի ունեցել Էջմիածնում: Հայաստան ժամանած արաբական հեռուստաընկերություններից մեկի օպերատորը Սրբադասման արարողության ժամանակ հայ լրագրողներից մեկին հայտնել է, թե իր նամազի ժամն է և պետք է աղոթի: Լրագրողն այդ մասին հայտնել է Մայր Աթոռի ծառայողներից մեկին, որն էլ ասել է, թե ոչինչ չի տեսնում արտասովոր, մեր եկեղեցին սիրո եկեղեցի է, և բացելով Մայր Աթոռի վարչական շենքի սենյակներից մեկը` արաբ օպերատորին հնարավորություն է տվել կատարել իր աղոթքը:
