Ռուսաստանի կողմից Իրանին C-300 համալիրների վաճառքը կարող է կապված լինել նրա ֆինանսական դրության հետ. ԱՄՆ պետդեպարտամենտ
Ռուսական РИА Новости լրատվական գործակալության փոխանցմամբ՝ Ռուսաստանը կարող է Իրանին C-300 զենիթահրթիռային համալիրների (ԶՀՀ) վաճառքի վրա դրված արգելքի վերացմանը գնալ իր ֆինանսական դրության պատճառով, որում նա հայտնվել է ԱՄՆ-ի ու ԵՄ-ի սահմանած պատժամիջոցների հետևանքով:
Այս մասին լրագրողների հետ ճեպազրույցում հայտարարել է ԱՄՆ Պետդեպարտամենտի պաշտոնական ներկայացուըցիչ Մարի Հարֆը. «Դա կարող է կապված լինել գումարի հետ՝ հաշվի առնելով, թե ինչ իրավիճակում է գտնվում ռուսական տնտեսությունը»:
Դրա հետ մեկտեղ՝ Հարֆը հայտարարել է, որ այդ գործարքը չի կարող ազդել Ռուսաստանի ֆինանսական դրության վրա: Հարֆն ընդգծել է, որ C-300-ների մատակարարումը չի խաթարի իրանական միջուկային ծրագրի վերաբերյալ Իրանի հետ բանակցություններում միջազգային միասնությանը:
Կրեմլի մամլո ծառայությունը երկուշաբթի հայտարարեց, որ Ռուսաստանի նախագահ Վլադիմիր Պուտինը հրաման է ստորագրել, որը հանում է Իրանին C-300 համակարգեր վաճառելու վրա դրած արգելքը: Իրանին 5 դիվիզիոն C-300 վաճառելու մասին համաձայնագիրը ստորագրվել է դեռևս 2007 թվականին:
