ԵՄ-ը հստակեցրել է Ուկրաինային ֆինանսական օգնություն ցուցաբերելու հարցը
Ռուսական Интерфакс լրատվական գործակալության փոխանցմամբ՝ ԵՄ-ն ավարտել է Ուկրաինային 1.8 միլիարդ եվրոյի մակրոֆինանսական օգնություն հատկացնելու մասին նոր ծրագիրը: Այժմ միջոցների հատկացման համար կողմերը պետք է ստորագրեն փոխըմբռնման մասին հուշագիր:
Եվրոպական հանձնաժողովը հուսով է մնացյալ բոլոր հարցերը լուծել մի քանի շաբաթվա ընթացքում: Այդ դեպքում 600 միլիոն եվրոյի առաջին փոխանցումը Կիևը կստանա դեռևս գարնանը: Նախատեսվում է ողջ գումարը հատկացնել երեք փոխանցումով, որոնցից առաջին երկուսը պետք է իրականացվեն մինչև տարեվերջ, իսկ երրորդը՝ արդեն 2016 թվականին:
