Ուկրաինան կարող է ամռան սկզբին ԵՄ-ից ստանալ 600 միլիոն եվրոյի առաջին տրանշը
Ուկրաինական UNIAN լրատվական գործակալության փոխանցմամբ՝ եթե Եվրոպական խորհրդարանը քվեարկի Ուկրաինային 1.8 միլիարդ եվրո մակրոֆինանսական աջակցություն ցուցաբերելու օգտին, ապա 600 միլիոն եվրոյի առաջին տրանշը կստացվի արդեն ամռան սկզբին:
Այս մասին Բրյուսելում համապատասխան հարցի քննարկումների ու քվեարկության մեկնարկից առաջ լրագրողների հետ զրույցում հայտարարել է զեկուցող Գաբրիելուս Լանդսբերգիսը.
«Եվրոպական խորհրդարանն այսօր կգրի եվրոպական պատմության ոչ մեծ մասը, երբ կքվեարկի ԵՄ-ի անդամ չհանդիսացող երկրներին ֆինանսական աջակցության խոշորագույն փաթեթի շուրջ:
Մենք Ուկրաինային հատկացնում ենք 1.8 միլիարդ եվրո, որը պետք է հատկացվի երեք տրանշով: Եթե այսօր մենք կողմ քվեարկենք դրա օգտին, ապա կնշանակի, որ առաջին տրանշը՝ 600 միլիոն եվրո, Ուկրաինան կստանա ամռան սկզբին:
Այդ փաթեթը կօգտագործվի Ուկրաինայի բյուջեն հավասարակշռելու և նրա տնտեսությունը կայունացնելու, ընթացիկ պարտքերը վճարելու համար: Դա նաև շատ ուժեղ քաղաքական ազդանշան է»:
