Սաուդյան Արաբիան ընդունել է 2015 թվականի պետբյուջեն՝ ռեկորդային դեֆիցիտով
Gazeta.ru-ի փոխանցմամբ՝ Սաուդյան Արաբիան ընդունել է հաջորդ տարվա պետբյուջեն, որն ունի ռեկորդային դեֆիցիտ (38.6 միլիարդ դոլար): Դեֆիցիտը կապված է նավթի կտրուկ գնանկման հետ: Համապատասխան փաստաթուղթը տեղ է գտել Սաուդյան Արաբիայի ֆինանսների նախարարության կայքում:
2015 թվականին պետական ծախսերը հաստատվել են 229.3 միլիարդ դոլարի մակարդակի վրա, իսկ պետության եկամուտները կանխատեսվում են 190.7 միլիարդ դոլարի մակարդակի վրա:
Ավելի վաղ Սաուդյան Արաբիայի նավթարդյունաբերության նախարար Ալի ալ-Նույամին հայտարարել էր, որ Նավթ արտահանող երկրների կազմակերպությունը (OPEC) նավթի արդյունահանման ծավալը չի նվազեցնի, եթե անգամ մեկ բարել նավթի գինը նվազի մինչև 20 դոլարի:
