Ինքնահռչակ ԴԺՀ-ն ու ԼԺՀ-ը Ռուսաստանի հետ բանակցում են գազի մատակարարման շուրջ
Lenta.ru-ի փոխանցմամբ՝ ինքնահռչակ Դոնեցկի ժողովրդական հանրապետությունը (ԴԺՀ) հայտարարել է գազի շուրջ Ռուսաստանի հետ հաջող բանակցությունների մասին:
ԴԺՀ-ի պետանվտանգության նախարար Լեոնիդ Բառանովը հայտարարել է, որ Մոսկվայում ամենաբարձր մակարդակով անցկացվել են Դոնբասի ժողովրդական հանրապետություններին ռուսական գազի մատակարարման շուրջ խորհրդակցություններ.
«Մենք ներկայումս Մոսկվայում զրուցել ենք ջեռուցման սեզոնի, գազի շուրջ: Մենք ունենք առանձին ճյուղ, որը մեզ երաշխավորում է գազի ստացում: Խողովակաշարը մտնում է Լուգանսկի մարզ, որտեղի էլ՝ Դոնեցկի մարզ: Մենք երկու միակ մարզերն ենք որոնք ընդհանրապես կախում չունեն Ուկրաինայից»:
Բառանովի խոսքերով՝ քննարկվել է ԴԺՀ-ին ու ԼԺՀ-ին ռուսական գազի մատակարարման գինը: Նա, սակայն, չի նշել կոնկրետ թվեր՝ նշելով, որ դեռ վաղ է խոսել այդ մասին: Չի բացառվում, որ Ռուսաստանը նրանց համար 1000 խորանարդ մետր գազի գին սահմանի 268.5 դոլար, ինչին ներկայումս ձգտում է հասնել Ուկրաինան:
