Ուկրաինան պատրաստ է ՄԱԿ ԱԽ-ի նիստում ապացույցներ ներկայացնել ՌԴ-ի դեմ. Յացենյուկ
Ուկրաինական UNIAN լրատվական գործակալության փոխանցմամբ՝ Ուկրաինայի վարչապետ Արսենի Յացենյուկն այցելել է Կիևից ոչ հեռու տեղակայված զորամասեր: Այստեղ նա հայտարարել է, որ Ուկրաինայի իշխանությունները կոչ են անում շուտափույթ գումարել ՄԱԿ ԱԽ-ի նիստ՝ կապված Ուկրաինայում տիրող իրավիճակի հետ.
«Մենք դիմում ենք ՄԱԿ ԱԽ-ում մեր գործընկերներին՝ շուտափույթ գումարելու համար ՄԱԿ ԱԽ-ի նիստ: Մենք ապացույցներ կներկայացնենք, որ հենց ռուսական կողմն է իրականացնում հակամարտության, արյունահեղության էսկալացիայի, ուկրաինական սահմանային ուղեկալների զավթման փորձեր և նախագահական ընտրությունները տապալելու անհաջող փորձեր»:
