Մոլդովան ԵՄ-ի հետ Ասոցացման համաձայնագիրը ստորագրելու է հունիսի 27-ին
Ռուսական Интерфакс լրատվական գործակալության փոխանցմամբ՝ Մոլդովան ԵՄ-ի հետ Ասոցացման համաձայնագիրը ստորագրելու է հունիսի 27-ին՝ ԵՄ- Մոլդովա արտակարգ գագաթաժողովի ժամանակ: ԵՄ-ի Խորհրդի նախագահ Հերման վան Ռոպմեյը երեկ Քիշնևում Մոլդովայի վարչապետ Յուրի Լյանկեին է հանձնել գագաթաժողովին մասնակցելու հրավերը:
Դրա ժամանակ ԵՄ-ի ու Մոլդովայի միջև կստորագրվի Ասոցացման համաձայնագիրը՝ ներառյալ ազատ տնտեսական գոտու ստեղծումը: Փաստաթուղթը նախաստորագրվել էր 2013 թվականի նոյեմբերի 29-ին՝ Վիլնյուսում տեղի ունեցած «Արևելյան գործընկերության» գագաթաժողովում:
Լյանկեն շնորհակալություն է հայտնել Ռոմպեյին՝ հայտարարելով, որ Ասոցացման համաձայնագրի ստորագրումը շատ կարևոր է Մոլդովայի համար:
