Ստամբուլում մեկնարկում են Հայոց ցեղասպանության 99-րդ տարելիցի հետ կապված միջոցառումները
Hye Tert-ի փոխանցմամբ՝ այսօր երեկոյան Ստամբուլում մեկնարկում են Հայոց ցեղասպանության 99-րդ տարելիցի հետ կապված միջոցառումները: Դրանք կազմակերպել է Հայոց ցեղասպանության հիշատակի հարթակը:
Նախատեսված է ապրիլի 24-ին ժամը 10.00-ին հավաքվել Հայդարփաշայում, որտեղից 1915 թվականի ապրիլի 24-ին մեկնարկել է հայ մտավորականների աքսորը: Նույնը օրը ժամը 13.00-ին Հայոց ցեղասպանության հիշատակի հարթակը հարգելու է 2011 թվականի ապրիլի 24-ին Բաթմանի նահանգի Քոզլուքի շրջանի զորամասում սպանված հայազգի զինծառայող Սևալ Բալըքչըի հիշատակը:
Ժամը 19.15-ին էլ հիշատակի հարգման արարողություն է տեղի ունենալու Ստամբուլի կենտրոնում գտնվող «Թաքսիմ» հրապարակում: Շաբաթվա ընթացքում պլանավորված են մի շարք այլ միջոցառումներ:
