Հայտնի չէ, թե երբ է ավարտել Հովիկ Աբրահամյանը. «ՀԺ»
«ՀԺ»-ն գրում է. «ՀՀ նորանշանակ վարչապետ Հովիկ Աբրահամյանի՝ պաշտոնական կայքերում տեղադրված կենսագրական տվյալների մեջ նշված է, որ նա «Ավարտել Է Երևանի ժողովրդական տնտեսության ինստիտուտը»։ Ու քանի որ այլ մանրամասներ ներկայացված չեն, ուստի պետք է ենթադրել, որ Հովիկ Աբրահամյանը «դիպլոմով» տնտեսագետ է։
Երեկ ՀՀ կրթության և գիտության նախարարի ոյաշտոնակատար Արմեն Աշոտյանից փորձեցինք պարզել, թե նախկին և գործող վարչապետներից ով է ավելի լավ տնտեսագետ և նաև մի քանի մանրամասներ հստակեցնել Հովիկ Աբրահամյանի կենսագրությունից»։
Ներկայացնում ենք հատված զրույցից.
«-Դուք տեղյա՞կ եք, թե Հովիկ Աբրահամյանը երբ է ավարտել ժողինստիտուտը։
– Շնորհակալություն, ես ավարտեցի, ցտեսություն։
Հստակեցնենք, որ Աբրահամյանի կենսագրության մեջ գրված չէ, թե նա կոնկրետ երբ է ավարտել ժողովրդական տնտեսության ինստիտուտը։ Իսկ հիմա Հովիկ Աբրահամյանը տնտեսագիտական համալսարան խորհրդի նախագահն է»։
Կարդացեք «Հայկական Ժամանակի» այսօրվա համարում։
