![](/banners/BeFunky-design.jpg)
Տուրչինովի հրամանով՝ Ղրիմից դուրս բերված ողջ ռազմական տեխնիկան ուղղվում է արևելք. աղբյուր
![](https://168.am/wp-content/uploads/2014/04/1002502582.jpg)
Ռուսական РИА Новости լրատվական գործակալության փոխանցմամբ՝ Ուկրաինայի արևելքում հատուկ գործողության ժամանակ օգտագործվելու է Ղրիմից հանված ուկրաինական ռազմական տեխնիկան, քանի որ դա ավելի պակաս ծախսատար գործընթաց է, քան երկրի արևմուտքից դեպի արևելք ռազմական տեխնիկա փոխադրելը:
Այս մասին գործակալությանը հայտնել է Ուկրաինայի ՊՆ-ում եղած աղբյուրը: Նրա խոսքերով՝ Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը հրաման է արձակել Ղրիմից հանվող ողջ տեխնիկան (զրահամեքենաներ, ավտոմեքենաներ ու զինամթերք) դեպի արևելք` Դոնեցկի, Լուգանսկի ու Խարկովի մարզեր ուղղելու մասին:
Աղբյուրը հավելել է, որ այդ մարզերում բողոքի ակցիաները ճնշելուց հետո պլանավորված է այնտեղ ձևավորել բանակային կորպուս և ներքին զորքերի նոր դիվիզիոն: