Տուրչինովը հայտարարել է Դոնեցկի մարզում հակաահաբեկչական գործողության սկսման մասին
ZN.UA-ի փոխանցմամբ՝ Դոնեցկի մարզում մեկնարկել է հակաահաբեկչական գործողության պլանի իրագործումը: Այս մասին այսօր՝ խորհրդարանի նիստի բացման ժամանակ, հայտարարել է Ուկրաինայի Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը.
«Այսօր Դոնեցկի մարզի հյուսիսում սկսվել է հակաահաբեկչական գործողության իրագործումը: Այն իրականացվելու է փուլերով և կշռված: Գործողության նպատակն ահաբեկչությունը, հանցավորությունը և Ուկրաինան մասնատելու փորձերը վերջ դնելն է»:
Նշվում է, որ Տուրչինովը նախօրեին ստորագրել էր Ուկրաինայի արևելքում հակաահաբեկչական գործողության սկսման մասին հրամանը:
