ԼՂ-ի խնդրի կարգավորման գործընթացում կարող են կարևոր դեր խաղալ ՀԿ-ները. Ուորլիք
Haqqin.az պորտալի փոխանցմամբ` Ղարաբաղյան հակամարտության կարգավորման գործընթացում կարող են կարևոր դեր խաղալ հասարակական կազմակերպությունները: Այս մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Ամերիկացի համանախագահը բերել է Ֆիլիպինների օրինակը, որը չորս տասնամյակ տևած հակամարտության ընթացքում 17 տարի վարել է բանակցություններ, խաղաղ ճանապարհով կարգավորել է հակամարտությունը և ձեռք է բերել անկախություն:
Ուորլիքը վստահություն է հայտնել, որ Ղարաբաղյան հակամարտության կարգավորման գործընթացում կարևոր ներդրում կարող են ունենալ կողմերի հասարակական կազմակերպությունները.
«Ֆիլիպիններում խաղաղության համաձայնությանը հասնելն ի ցույց է դնում խաղաղ կարգավորման գործընթացում հասարակական կազմակերպությունների առանցքային դերը»:
