Ռուսաստանն ու Ուկրաինան պետք է կանխեն պատմությունը վերաշարադրելու յուրաքանչյուր փորձ. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը շնորհավորել է Օդեսայի բնակիչներին ու Հայրենական Մեծ պատերազմի վետերաններին՝ կապված ֆաշիստական օկուպացիայից քաղաքի ազատագրման 70-ամյակի հետ:
Այս մասին հայտնել է Կրեմլի մամուլի ծառայությունը: Նրա հաղորդմամբ՝ Պուտինն ընդգծել է, որ Ռուսաստանի ու Ուկրաինայի ընդհանուր պարտքն է խնամքով պահպանել այդ պատերազմի մասին հիշողությունները և կանխել պատմությունը վերաշարադրելու մասին յուրաքանչյուր փորձ:
Իր շնորհավորական ուղերձում Պուտինը նշել է, որ Օդեսայի և Ուկրաինայի հարավի համար մղված մարտերում ուս ուսի մարտնչել են տարբեր ազգությունների ներկայացուցիչներ, որոնք բազում սխրանքներ են գործել: Պուտինը համոզվածություն է հայտնել, որ ռուս և ուկրաինացի ժողովուրդներին այսուհետ նույնպես կմիավորի բազմադարյա բարիդրացիական ավանդույթները:
