Հայաստանի ու Ադրբեջանի նախագահների միջև երկխոսության շարունակվելը հուսադրող է. Մալենա Մարդ
Haqqin.az պորտալի փոխանցմամբ՝ Հայաստանի ու Ադրբեջանի նախագահների միջև երկխոսության շարունակումը հուսադրող է: Այս մասին լրագրողների հետ զրույցում հայտարարել է Ադրբեջանում ԵՄ-ի ներկայացուցչության ղեկավար Մալենա Մարդը:
Նրա խոսքերով՝ ԵՄ-ը հուսով է, որ կշարունակվի այդ երկխոսությունը և կարծում է, որ երկխոսությունն առաջ գնալու համար միակ ելքն է. «ԵՄ-ը շատ դրականորեն է վերաբերվում բանակցությունների շարունակմանը»:
Մալենա Մարդը հավելել է, որ ԵՄ-ի ու Ադրբեջանի երկկողմ հարաբերությունների միջև բանակցությունները շարունակվում են ինչպես Բաքվում, այնպես էլ՝ Բրյուսելում, և որ մի շարք հարցերում արդեն իսկ գրանցվել է առաջընթաց. «Մենք փորձում ենք ավելի ինտենսիվ աշխատել ԵՄ-ի ու «Արևելյան գործընկերության» երկրների միջև էական հարցերի շուրջ»:
Որոշակի տվյալներով՝ Հայաստանի ու Ադրբեջանի նախագահների հաջորդ հանդիպումը կարող է տեղի ունենալ ապրիլի վերջին:
