Իտալիայում գործազրկության մակարդակը հասել է վերջին 37 տարվա ռեկորդային բարձր մակարդակի
Իտալական Gazzetta del Sud թերթի փոխանցմամբ՝ փետրվարին Իտալիայում գործազրկության մակարդակը հասել է վերջին 37 տարվա ռեկորդային բարձր մակարդակի: Գործազուրկների քանակը երկրում աճել է մինչև 13 տոկոսով: Այս մասին են վկայել Istat ազգային վիճակագրական գործակալության տվյալները:
Դրանց համաձայն, Իտալիայում շարունակում է աշխատանք չունենալ ավելի քան 3 միլիոն իտալացի: Բացի այդ, աճում է գործազուրկ երիտասարդ իտալացիների քանակը: Նրանց շրջանում գործազրկության մակարդակը հասել է 42.3 տոկոսի: Դա 3.6 տոկոսով ավելին է՝ համեմատած նախորդ տարվա նույն ժամանակահատվածի հետ:
2014 թվականի փետրվարին Իտալիայի վարչապետ դարձած Մատեո Ռենցին հայտարարել է, որ գործազրկությունը հանդիսանում է իրենց գլխավոր խնդիրը, որի լուծման ուղղությամբ աշխատում է կառավարությունը:
