Էդվարդ Նալբանդյանը կայցելի Ժնև
Հայաստանի ԱԳ նախարար Էդվարդ Նալբանդյանը մարտի 5-7-ն աշխատանքային այցելություն կկատարի Ժնեւ, որտեղ նախատեսված է նրա ելույթը Միավորված ազգերի կազմակերպության Մարդու իրավունքների խորհրդի 25-րդ նստաշրջանի բարձրաստիճան հանդիպմանը:
Մարտի 7-ին Հայաստանի արտգործնախարարը կմասնակցի եւ ելույթ կունենա Ցեղասպանության հանցագործության կանխարգելման եւ պատժման մասին Կոնվենցիայի 65 ամյակին նվիրված բարձրաստիճան քննարկմանը, որը գումարվում է անցյալ տարի Հայաստանի նախաձեռնությամբ Մարդու իրավունքների խորհրդի կողմից կոնսենսուսով ընդունված ցեղասպանության կանխարգելման վերաբերյալ բանաձեւի համաձայն:
Ժնեւում արտգործնախարար Էդվարդ Նալբանդյանը կունենա մի շարք երկկողմ հանդիպումներ:
ԱԳՆ մամուլի ծառայություն
